५ दिनदेखि धनुषाका यी युवक बेपत्ता, भोकै जाग्राम बस्दै परिवार

न्यूज ब्यूरो, जनकपुरधाम । घरबाट निस्केको ५ दिनदेखि बेपत्ता भएका धनुषा एक युवकको परिवार भोकै जाग्राम बस्न बाध्य छन् ।

धनुषाको धनुषाधाम नगरपालिका वडा नं. ५ पर्वता बस्ने स्थानीय शिवशंकर मण्डलको छोरा अन्दाजी बर्ष २१ शम्भु मण्डल ५ दिनेदेखि बेपत्ता भएका छन् । गत विहिबार विहान काठमान्डौं जानका लागि घरबाट निस्केका मण्डल अहिलेसम्म सम्पर्कविहिन भएपछि परिवार विच्चलीमा भएको छ ।

घरबाट काठमान्डौ जाने भनेर विहानै निस्केका शम्भु अहिलेसम्म परिवारबाट सम्पर्कविहिन भएको छ । शम्भु विगत ५ दिनदेखि सम्पर्क विहिन भएपछि उनको परिवारले धनुषाधाम प्रहरीमा खोजीको लागि निवेदन दिएको हो । धनुषाधाम ईलाका प्रहरी निरीक्षक सुमन थापाले निवेदन पाएको तथा अनुसन्धान र खोजी कार्य तीव्र पारिएको बताउनुभयो ।

शम्भुको बेपत्तापछि उनको परिवारको बिच्चली सहित छर छिमेकमा समेत तनाव भएको छ । उ कतै गएको वा कुनै साथसँग पनि हुन सक्ने अनुमान गरिएपनि अहिलेसम्म कुनै सुराक नलागेको भन्दै परिवारजनले प्रहरीलाई छोरा खोजिदिन गुहार लगाएको छ ।

यसका साथै, उनका साथीहरुलाई समेत शम्भुको बारेमा जानकारी भए जानकारी गराउन अनुरोध गरेको छ । कसैले देखेमा कृप्या न्यूज ब्यूरोको महेन्द्रनगर शाखाको 9854021284 नम्बरमा सम्पर्क गर्न अनुरोध पनि गरिएको छ ।