अब दलित र अल्पसँख्यकको अधिकार संरक्षण हुने

न्यूज ब्यूरो, सर्लाही । प्रदेश नं. २ का प्रदेश मामिला मन्त्री अशोक यादवले अब अल्पसँख्यक, दलित र पिछडावर्गको अधिकारको संरक्षण हुने बताउनुभएको छ ।

शनिबार सर्लाहीको गोडैता नगरपालिका वाड नं. २ जयपुरमा समाजवादी पार्टीको पार्टी प्रवेश कार्यक्रममा बोल्दै उहाँले मधेसी जनआन्दोलनलाई सफल बनाउन देखि लिएर देशको हरेक राजनीतिक परिवर्तनमा तत्कालीन मधेसी जनअधिकार फोरमले गरेको योगदान अविस्मरणीय रहेको बताउनुभयो।

गोडैता नगरपालिकाको युवा नेता राधेश्याम महतोको अध्यक्षता तथा नेता यादवको प्रमुख आतिथ्यमा सम्पन्न भएको कार्यक्रममा मधेसीको हक अधिकारको लागि आफनो प्राणको आहुती दिने वीर सहिद प्रति नमन गर्दै मधेसी आन्दोलनमा सम्पुर्ण सर्लाहीवासीको पनि महत्त्वपूर्ण योगदान समेत रहेको बताउनुभयो।

उहाँले मधेसी आन्दोलनको बेला आफनो प्राणको बाजि लगाएको सर्लाहीवासी चुनावको समयमा वीर मधेसी सहिदको त्यागको बिर्सदै नेपाली पहाडी पार्टी नेपाली काङ्ग्रेस तथा कम्युनिस्ट पार्टीलाई भोट दिएर जिताउनु प्रति अभार दुख समेत प्रकट गर्नुभयो ।

देशमा विगत लामो समयदेखि नेपाली काङ्ग्रेस र कम्युनिस्ट पार्टीलाई भारी बहुमतले विजयी बनाएपनि जनताको चाहना र अपेक्षामा ठाडो उभिन असफल भएको समेत आरोप लगाउनुभयो। दुई तिहाईको बहुमतीय सरकारले पनि आम नागरिकलाई विकास र शान्तिको प्रत्याभूति दिलाउन नसक्दा देशमा अर्को पार्टीको आवश्यकता महसुस भएको बताउनुभयो।

नेता यादवले देशलाई विकास र समृद्धिको शिखरमा पुर्याउन तथा गरिब, दलित, जनजाति, सीमान्तकृत, पिछडिएका अल्पसंख्यक नागरिकको अधिकारको संरक्षण र सम्बर्द्धन गर्ने उदेश्यले समाजवादी पार्टी देशको तेस्रो शक्तिको रुपमा उदयमान भएको बताउनुभयो।

हरेक पार्टीमा नातावाद र जातिवाद को भाइरस प्रवेश भएको अवस्थामा छ। सबै राजनीतिक दलहरू आफ्नो बुढी, बुहारी, छोरी, ज्वाईं तथा नातेदारलाई विभिन्न उच्च पदहरुमा सहभागिता गराएको आरोप लगाउदै समाजवादी पार्टी सबै जाति, धर्म, लिंग तथा अल्पसंख्यक नागरिकलाई समान सहभागिता गराउने कुरामा ठुक्क रहन सम्पूर्ण आम नागरिकमा वाचा समेत गर्नुभयो। समाजवदी पार्टीले कुनै किसिमको जातिय, धर्मको आधारमा भेदभाव नगरेको प्रष्ट पार्नुभयो।

आफ्नो नजरमा कुनै जात, धर्म सम्प्रदायको व्यक्ति नभएको, सबै समग्र समाजिक प्राणी भएको, हाम्रो नजरमा सबै मधेसी भएको बताउँदै उहाँले पार्टी प्रवेश कार्यक्रमलाई सम्बोधन गर्दै समाजको समानुपातिक विकास तथा देशको हरेक सम्बन्धित निकायमा समावेशी सहभागिताको लागि समाजवादी पार्टीको अर्को विकल्प नभएको सांसद यादवले बताउनुभयो।

कार्यक्रमा समाज पार्टीको जिल्ला इन्चार्ज राजेश्वर सिंह, रमन मिश्र, अरविन्द बैठा, विजय ठाकुर, निरस राउतको साथै स्थानीयवासीहरुको उल्लेखनीय सहभागिता रहेको आयोजकले जनाएको छ।