नेपाल रेडक्रस सोसाईटीको २६ औं साधारण सभा सम्पन्न

बिनय यादव, सिरहा, २७ पौष ।

नेपाल रेडक्रस सोसाईटी मिर्चैया उपशाखाको २६ औं साधारण सभा सम्पन्न भएको छ । मिर्चैया नगरपालिका ६ स्थित आज (बिहिवार) भएको साधारण सभामा आर्थिक वर्ष ०७३/०७४ को आय-व्यय प्रस्तुत गरिएको थियो ।

उपशाखाका अध्यक्ष जिवन श्रेष्ठको अध्यक्षतामा भएको कार्यक्रममा जग्गादाताहरुलाई दोसल्ला ओढाई सम्मान गरिएको छ ।

नेपाल रेडक्रस सोसाइटी सिरहाका प्रतिनिधि राजदेब ठाकुरको प्रमुख आतिथ्यमा सम्पन्न भएको कार्यक्रममा सिरहा क्षेत्र नं. ४ का “क” प्रदेशसभाका सदस्य दिलिप साह, मिर्चैया नगरपालिका वडा नं. ५ का वडा अध्यक्ष देवकृष्ण साह लगायत सरोकारबालाहरुको उपस्थिति रहेको थियो ।