मेरो बुवाले जनतासँग गरेको 'वाचा' म पुरा गर्छु : मेयर बरबरिया

न्यूज ब्यूरो, जनकपुरधाम । धनुषा शहिदनगर नगरपालिकाका मेयर उदय कुमार बरबरिया यादवले उनको बुवाले जाहेर गरेको प्रतिवद्धता आफूले पूरा गर्ने बताउनुभएको छ ।

नेपाल कम्युनिष्ट पार्टी (नेकपा) तथा तत्कालिन माओवादीका दिग्गज नेता श्रवण कुमार बरबरियाले पुरा गर्न नसकेको प्रतिवद्धता आफूले पूरा गर्ने उहाँले बताउनुभएको छ । शनिबार धनुषाको कमला नगरपालिका वडा नं. १ मँगराहामा आयोजित कम्बल वितरण कार्यक्रममा बोल्दै मेयर बरबरियाले साबिक क्षेत्र नं. १ का जनताले दिएको स्नेह र मायाको मूल्य आफू चुकाउने बताउनुभयो ।

“जनयुद्धको समयमा पनि साबिकको धनुषा निर्वाचन क्षेत्र नं. १ तथा हाल क्षेत्र नं. २ का जनताहरुले मेरा बुवा श्रवण कुमार बरबरियालाई दिएको माया र स्नेहको कुनै मूल्य छैन । त्यस्तो अवस्थामा सबैले माओवादी भएकै कारण ज्यान मार्ने दाउमा रहेका बेला पनि यस क्षेत्रका जनताले दिएको माया, ममतालाई हामीले कदापी विर्सन सक्दैनौ । म उहाँकै सुपुत्र हुँ, अर्कै नगरपालिकाको मेयर भएपनि सहयोगी भावनाले जहाँ बोलाए म आउन तयार छु ।”– उहाँले भन्नुभयो ।

उहाँले उनको बुवा जनतासँग गरको वाचा पूरा गर्ने प्रतिवद्धता जाहेर गर्नुभयो । साबिकको धनुषा निर्वाचन क्षेत्र नं. १ का आम सर्वसाधारणहरुको लागि श्रवण बरबरियाप्रतिको माया स्नेहको बारेमा उल्लेख गर्दै मेयर बरबरियाले उनको बुवाको अधुरो ईच्छा आफूले पूरा गर्ने बताउनुभयो ।

शहिदनगर नगरपालिकाको मेयर भएर पनि कमला नगरपालिकामा आएर सेवा गर्ने मौका पाएको भन्दै आयोजकप्रति कृतज्ञता प्रकट गर्नुभयो । समाजिक सँस्था कामाख्य परिवार नेपालको आयोजनामा कमला नगरपालिका वडा नं. १ मँगराहाका गरिब, विपन्न परिवारहरुलाई कम्बल वितरण गरिएको हो ।

त्यहाँका गरिब तथा विपन्न समुदायलाई नयानो लुगा ,कम्बल र खाद्यान सामग्री वितरण गरिएको हो । बिपन्न , दलित, बृद्ध, एकल महिला, अपांग , बालबालिकाहरूलाई बितरण गरिएको हो ।

कामाख्य परिवार नेपालका अध्यक्ष डा. विभाष लाभको अध्यक्षता तथा कमला अभियान्त्ता समेत रहेको तथा मुलुककै कान्छो मेयर भनेर चिनिने बरबरियाकै प्रमुख आथित्यमा सम्पन्न उक्त कार्यक्रममा न्यानो कपडा तथा खाद्यान्न वितरण गरिएको हो ।

सो कार्यक्रममा कमला बचाउ अभियानका सँयोजक विक्रम यादव सहित कमला अभियानीहरुले आ-आफ्नो मनतव्य राख्नुभएको थियो ।

उक्त कार्यक्रममा कामाख्या परिवारका महासचिब महेन्द्र यादव, सचिब ललिता लाभ, समाजिक अभियन्ता सुमित कर्ण ,सहिद नगर स्वस्थ प्रमुख कपिलदेव अधिकारी ,बिभिन्न बिद्वान वक्ताहरू ,बुद्धिजीबि, पत्रकार, सुरकक्षाकर्मी , कामाख्या परिवार सर्लाहिका पदाधिकारीहरू , सम्पूर्ण गाऊँबासी , टोलबासीहरूको उपस्थितिमा कार्यक्रम सम्पन्न गरेको थियो ।