धनुषाः पोल्ट्री फार्ममा आगलगी हुँदा ३५०० चल्ला जलेर नष्ट !

न्यूज ब्यूरो, जनकपुरधाम । धनुषाको एक पोल्ट्री फार्ममा आगलगी हुँदा करिब ७ लाख बढीको क्षति भएको छ ।

धनुषाको बटेश्वर गाउँपालिका वडा नं. ५ शान्तिपुर स्थित रहेको बिसी माछा तथा पशुंन्क्षी पालनमा ग्यास लिकेज भएर आगलगी हुँदा ७ लाख बढीको क्षति भएको हो । पोल्ट्री फार्ममा रहेको ३५ सय कुखुराको चल्ला जलेर नष्ट भएको प्रहरीले जनाएको छ ।

नोबेल कम्पनीको ग्याँस सिलिन्डरमा लिकेज भएको तथा खाना पकाउन लाईटर जलाउँदा अचानक आगलगी भएको फार्म सँचालक राम ईश्वर यादवे जानकारी दिनुभयो । फार्ममा रहेको ३ हजार ५ सय कुखुराको चल्ला समेत जलेर नष्ट भएको छ भने फार्म पूर्ण रुपमा ध्वस्त भएको छ ।

आगलगीमा परेर वटेश्वर गाउँपालिका वडा नं. ५, शान्तीपुर बस्ने २९ बर्षिय शंकर यादव, रोशन यादव र सोही ठाउँ बस्ने ३९ बर्षिय राम ईश्वर यादव समान्य घाईते समेत भएको हो ।

आगलगी भएपछि स्थानीयहरुले क्षीरेश्वरनाथ नगरपालिकाको बारुण यन्त्र, सैनिक क्याम्प महेन्द्रनगरका सैनिक, नेपाल प्रहरीको सहयोग झण्डै १ घण्टापछि आगो नियन्त्रणमा लिएको थियो । त्यतिबेर सम्म फार्ममा रहेको कुखुराको चल्ला सहित दुईटा घर समेत जलेर नष्ट भएको हो ।

स्थानीयहरुका अनुसार नोबेल ग्यासको लिकेज सिलिन्डरकै कारण आगलगी भएको तथा यत्रो क्षति भएको बताइएको छ ।