अमिसेसको सहयोगमा बरबरियाद्धारा कम्बल वितरण

न्यूज ब्यूरो, जनकपुरधाम । समाजिक सँस्था अप्पन मिथिला सेवा समाज (अमिसेस) को सहयोगमा कम्बल वितरण गरिएको छ । कमला नगरपालिका वडा नं. ७ हथमुण्डा टोलका अल्पसँख्यक, सीमान्तृक, गरिब, विपन्न समुदायका परिवारलाई कम्बल वितरण गरिएको हो ।

समाजिक सँस्था अपन मिथिला सेवा समाजको सहयोगमा धनुषा शहिदनगर नगरपालिकाका मेयर उदय कुमार बरबरियाको प्रमुख आतिथ्यमा कम्बल वितरण गरिएको हो । अपन मिथिला सेवा समाजले नेपाल कम्युनिष्ट पार्टी धनुषाका ईन्चार्ज श्रवण कुमार बरबरिया (यादव) को प्रमुख आतिथ्य राखेपनि उहाँको अनुपस्थितिलाई मध्यनजर गर्दै शहिदनगर नगरपालिकाका मेयर बरबरियाले प्रमुख आतिथ्य गर्नुभएको थियो ।

त्यस वडाका १ सय १५ जनालाई कम्बल वितरण गरिएको हो । कम्बल वितरण कार्यक्रमको उदघाट सत्रमा बोल्दै मेयर बरबरियाले अन्य नगरपालिकाको भएपनि कमला नगरपालिकामा सेवा गर्ने मौका पाएको भन्दै कृतज्ञता प्रकट गर्नुभयो । उहाँले श्रवण बरबरिया (मेरा बुवा) आउने कार्यक्रम भएपनि कुनै कारणवंश नआएको कारण आफू सहभागिता जनाएको बताउनुभयो ।

कमला नगरपालिका वडा नं. ७ का विपन्न समुदायका व्यक्तिहरुलाई कम्बल वितरण गरिएको हो । अपन मिथिला सेवा समाजका दिनेश महतोको अध्यक्षता तथा मेयर बरबरियाको प्रमुख आतिथ्यमा कम्बल वितरण गरिएको हो ।

अप्पन मिथिला सेवा समाजका धनुषा जिल्ला अध्यक्ष उमेश ठाकुरको विशेष उपस्थितिमा १ सय १५ जनालाई कम्बल वितरण गरिएको हो । सो कार्यक्रममा सशस्त्र प्रहरी दुबरकोट हथलेटवाका प्रहरी नीरिक्षक शम्भु कटुवाल, शहिदनगरका कर्मचारी रोशन यादव, रुपेश विराजी, सँतोष यादव सहित स्थानीय बुद्धिजीवी, आम नागरिक, महिला, वृद्धवृद्धाहरुको उपस्थिति रहेको थियो ।