धनुषामा चिसोले गर्दा शिशु मरे

विनय कुमार यादव

जनकपुरधाम, २६ पुस ।
विगत केही दिनदेखि बढेको चिसो र निरन्तर शितलहरका कारण धनुषामा थप एक बच्चाको ज्यान गएको छ ।

मृत्यू हुनेमा धनुषाधाम नगरपालिका वडा नं. ५ बस्ने तिलेश्वर यादवको ४ महिने शिशुको ज्यान गएको प्रहरीले जनाएको छ ।

बुधबार साँझ करिब ५ बजेतिर धनुषाको धारापानीबाट मोटरसाईकलबाट नौसय विघा (ठाउँको नाम) आउने क्रममा शिशुको मृत्यू भएको जनाइएको छ ।
मोटरसाईकलमा पछाडी बसेकी यादवकी श्रीमति ती ४ महीने शिशु क्रिशियन यादवलाई बोकेकी थिइन ।

जाडोले गर्दा मोटरसाईकलमै बेहोस भएका शिशु यादवलाई उपचारको लागि जनकपुर ल्याएपछि चिकित्सकले मृत घोषित गरेका हुन् ।
जनकपुरको जानकी हेल्थ केयर अस्पतालमा शिशुलाई मृत घोषित गरिएको धनुषा उमाप्रेमपुर प्रहरी चौकी इनचार्ज धर्मराज ढकालले जनाएको छ।