मिर्चैया : जुवाको खालबाटै ११ जना समातिए

न्यूज ब्यूरो, सिरहा । सिरहाको मिर्चैयाबाट जुवा खेल्ने ११ जनालाई प्रहरीले पक्राउ गरेका छन् ।

सिरहाको मिर्चैया नगरपालिका वडा नम्बर ६ कटारी चौकस्थित शनिबार ईलाका प्रहरी कार्यालय मिर्चैयाबाट खटेको गस्ती टोलीले जुवा (तास) खेलिरहेको अवस्थामा उनीहरूलाई पक्राउ गरेको हो । तास खेलिरहको अवस्थामै खालबाटै उनीहरु पक्राउ परेका हुन् ।

पक्राउ पर्नेमा सिरहा मिर्चैया नगरपालिका वडा नम्बर ६ बस्ने अन्दाजी २७ वर्षीय नरेश झा, २६ वर्षीय जितेन्द्र साह, र अन्दाजी २४ वर्षीय सुरजकुमार साह, वडा नम्बर ८ बस्ने २४ वर्षीय मनोज यादव र २५ वर्षीय राजाराम साह, वडा नम्बर ३ बस्ने २३ वर्षीय सरोजकुमार चौधरी, वडा नम्बर ५ बस्ने अन्दाजी २६ वर्षीय बिनोदकुमार साह र ३६ वर्षीय बिनोद साह, वडा नम्बर ४ बस्ने २९ वर्षीय जितेन्द्र साह, वडा नम्बर २ बस्ने २५ वर्षीय श्रवणकुमार साह र कल्याणपुर नगरपालिका वडा नम्बर ९ बस्ने ३९ वर्षीय श्यामसुन्दर साह छन् ।

पक्राउ परेका उनीहरूको साथबाट नगद ९६ हजार २ सय ९० रुपैयाँ, भारतीय ४ हजार ८० रुपैयाँ र तास ३ बुक समेत बरामद भएको ईलाका प्रहरी कार्यालय मिर्चैयाका डिएसपी सन्तु जैसवारले जानकारी दिए । पक्राउ परेका उनीहरूमाथि थप अनुसन्धान भइहेको प्रहरीले जनाएको छ ।

उनीहरुलाई हिजो साँझ नै पक्राउ गरेपनि सार्वजनिक भने आज गरिएको हो । ईलाका प्रहरी कार्यालय मिर्चैयामा डिएसपी जैसवारको आगमनसँगै प्रहरीको सक्रियता बढेको छ ।