सँजय साहलाई सिरहा ल्याउन ३ दिने अल्टिमेटम

न्युज ब्युरोे
जनकपुरधाम, २६ पुस । पूर्व राज्यमन्त्री एवम् निलम्बीत साँसद सँजय कुमार साह 'टकला' लाई सिरहा कारागार ल्याउन सरकारलाई ३ दिने अल्टिमेटम दिइएको छ ।

बुधबार साह निकट मधेस क्रान्ती फोरमले जिल्ला प्रशासन कार्यालय धनुषा मार्फत प्रधानमन्त्रीलाई काठमान्डौँको नख्खु जेलबाट सिरहा कारागारमा सार्नुपर्ने माग राख्दै ज्ञापन पत्र बुझाएका हुन् ।

मधेस क्रान्ती फोरमका सँयोजक नविन कुमार यादवको अगुवाईमा आज गएको युवाहरुको एक टोलीले जिप्रका धनुषामा मार्फत प्रधानमन्त्रीको कार्यालयमा ज्ञापन पत्र पठाएको हो ।
सम्मानीय धनुषा जिल्ला अदालतले साहलाई सिरहा कारागारमा राख्ने आदेश गरेपनि अदालतको अपहेलना हुने गरी विना आदेशको नख्खु काठमान्डौँ पठाएपछि फोरमका युवाहरु समयमै सिरहा कारागार सार्नुपर्ने माग अघि सारेका छन् ।

साहलाई उत्पीडन र यातनाको उदेश्यले सिरहाबाट सुरक्षाको कारण देखाई काठमान्डौ लगिएको ज्ञापन पत्रमा उल्लेख गरिएको छ ।
उनीहरुले ३ दिन भित्र साहलाई सिरहा कारागार नसारिए कडा आन्दोलन गर्न बाध्य हुने उल्लेख गरेको छ ।