स्टाईलिस स्टार 'अल्लु अर्जुन' ले तोडे 'बाहुबली' को रेकर्ड !

न्यूज ब्यूरो, एजेन्सी । भारतीय फिल्म जगतका स्टाईलिस स्टार अर्थात साउथका सुपरस्टार अल्लू अर्जुनको एक फिल्मले बहुचर्चित बाहुबलिको रेकर्ड तोडेको भारतीय सँचारमाध्यमहरुले जनाएको छ

अल्लु अर्जुन र पूजा हेगडेको फिल्म ‘आल्हा वैकुण्ठप्रेमुलु’ गत शनिवारबाट प्रदर्शनमा आए लगत्तै बक्स अफिसमा मोटो कमाई गर्न सफल भएको छ । फिल्मलाई भारत तथा अन्य देशका दर्शकले समेत निकै मन पराएका छन् ।

भारतीय मिडियाका अनुसार फिल्मले ‘बाहुबली’ को रेकर्ड समेत तोडेको छ । साथै फिल्म सबैभन्दा ठूलो इन्डियन ओपनर बनेको छ । फिल्मले अमेरिकामा समेत ‘बाहुबली’ को रेकर्ड तोडेर नयाँ रेकर्ड बनाएको बताइएको छ ।

फिल्मको ट्रेलर यस्तो छ :

ट्रेन्ड एनालिस्ट रमेश बालाका अनुसार, फिल्मको प्रिमियरको ६० हजारभन्दा धेरै टिकट विक्री भएको छ । फिल्मले पहिलो दिन घरेलू बक्सअफिसमा ५५ करोडको व्यापार गरेको बताइएको छ । त्रिविक्रम श्रीनिवास निर्देशित फिल्म अल्लूसँगै तब्बू, सुशान्त, नवदीप, निवेथा पेथुराज, राजेन्द्र प्रसाद, वेनेला किशोर, सत्यराजलगायतका कलाकारहरुको अभिनय छ ।

आल्हा वैकुण्ठप्रेमुलु’ मा पूजा हेगडेले सफ्टवेयर कम्पनीको सिइओको भूमिका निभाएकी छन् । त्यस्तै, बलिउड अभिनेत्री तब्बू यो फिल्मबाट वर्षौपछि टलिउडमा फर्किएकी हुन् । उनले फिल्ममा अल्लू अर्जुनकी आमाको भूमिका निभाएकी छन् ।