राष्ट्रिय सभा चुनावको लागि भोटरलाई राजपाको 'ह्वीप'

न्यूज ब्यूरो, जनकपुरधाम । आउँदो माघ ९ गते हुन लागेको राष्ट्रिय सभाको चुनावको लागि राष्ट्रिय जनता पार्टी नेपालले आफ्ना उम्मेदवारहरुलाई जिताउन c जारी गरेको छ ।

चुनावकै मुखमा राजपा र नेकपाले चुनावी तालमेल गरी ४ सिटको लागि दुवै पार्टीबाट २ २ जनाको उम्मेदवारी परेको हो । यता, राजपा र नेकपाको तालमेल छुट्टिन लागेको समाचार विभिन्न सँचारमाध्यमहरुमा आएलगत्तै राजपाको केन्द्रीय कार्यालय बबरमहलमा बसेको बैठकबाट ह्वीप जारी गरिएको हो ।

पार्टीका अध्यक्ष मण्डलका सँयोजक राजेन्द्र महतोको अध्यक्षतामा बसेको बैठकबाट माघ ९ गते हुने राष्ट्रियसभा सदस्य निर्वाचन प्रयोजनको निम्ति राष्ट्रिय जनता पार्टी नेपाल र नेपाल कम्युनिष्ट पार्टी (नेकपा) बीच चुनावी तालमेल भए अनुसार राजपा नेपालको तर्फवाट अन्य समूहका उम्मेदवार मृगेन्द्र कुमार सिंह यादव र अल्पसंख्यक समूहका उम्मेदवार शेखर कुमार सिंह त्यसै गरि नेकपाका तर्फवाट महिला समूहका उम्मेदवार तुलसा दाहाल र दलित समूहका उम्मेदवार राधेश्याम पासवानलाई अनिवार्य रुपले उपस्थित भई जिताउन ह्वीप जारी गरिएको हो ।

आज (शनिबार) एक प्रेस विज्ञप्ति जारी गर्दै राजापले चारै उम्मेदवारको लागि आफ्नो अमूल्य मत दिई गठबन्धनमा रहेको चार वटै उम्मेदवारहरुलाई विजय वनाउन पार्टी अध्यक्ष मण्डलको निर्णय अनुसार राष्ट्रिय सभा सदस्यको निर्वाचनमा राजपा नेपालका मतदाताहरुलाई ह्वीप जारी गरिएको हो ।