जनकपुरः मोडेल कलेजको बसले ठक्कर दिँदा दुई युवक ठहरै, बसमा आगजनी !

न्यूज ब्यूरो, जनकपुरधाम । धनुषामा एक प्राईभेट बसले मोटरसाईकल (मोसा) लाई ठक्कर दिँदा दुई जनाको घटनास्थलमै मृत्यू भएको छ ।

जनकपुर – महेन्द्रनगर सडक खण्ड अन्तर्गत धनुषाको लक्ष्मीनियाँ गाउँपालिकाको सपही स्थित जनकपुरको मोडेल मल्टिपल कलेज बसले मोटरसाईकललाई ठक्कर दिँदा एक जनाको घटनास्थलमै मृत्यू भएको थियो भने एक जनाको अवस्था गम्भिर रहेकोमा उनको पनि केही बेरमै घटनास्थलमै मृत्यू भएको जनाइएको छ । यद्यपी, जिल्ला ट्राफिक प्रहरी कार्यालय धनुषाले भने एक जना गम्भिर मात्र भएको बताएका छन् ।

जिल्ला ट्राफिक प्रहरी कार्यालय धनुषाका अनुसार, ज १ क २८३ नम्बरको कलेज बसले ज १० प ३५३५ नम्बरको मोटरसाईकललाई ठक्कर दिएको थियो । ठक्करपछि घटनास्थलमै मृत्यू भएपछि आक्रोसित स्थानीयवासीहरुले बसमा आगजनी गरेको हो । त्यो बस यात्रुवाहक नभएर जनकपुरको मोडेल मल्टिपल कलेजको प्राइभेट रहेको जनाइएको छ ।

आज (मँगलबार) अपरान्ह तर्फ लक्ष्मीनिया गाउँपालिका वडा नं. ७ पर्सा पकडियाका २५ वर्षीय सन्तोस ठाकुर र क्षिरेश्वर नगरपालिकाका २५ वर्षीय अनवर राईनको घटनास्थलमै मृत्यू भएको हो ।

आक्रोसित स्थानीयले आगजनी गरेपछि तत्कालै नेपाल प्रहरीको टोली दमकल सहित पुगेर आगो नियन्त्रणमा लिएको जनाइएको छ । बस भने जलेर ध्वस्त भएको छ भने केही बेर चक्काजाम समेत गरिएको थियो ।