“मधेशको भ्रमण विना नेपालको भ्रमण हुँदैन”

न्यूज ब्यूरो, जनकपुरधाम । भिजिट मधेश–नेपाल २०२० को उदघोष सहित मधेशको भ्रमण विना नेपालको भ्रमण अधुरा हुने एक कार्यक्रमको सहभागीहरु बताएका छन् ।

"मधेसको भ्रमण बिना नेपालको भ्रमण पुर्ण हुदैन " visit Nepal is not complete without visit madhesh भन्ने मुल नाराका साथ आईतबार भिजिट मधेश–नेपालको जनकपुरबाट उदघोष गरिएको हो । सो कार्यक्रममा प्रदेश नं. २ का भौतिक पुर्वाधार तथा विकास मन्त्री जितेन्द्र सोनलले अपार संभावना बोकेका तराई–मधेस कृषि तथा धर्मिक पर्यटन यस प्रदेशको मुख्य आर्थिक आधार रहेको औल्याउनुभयो ।

जनकपुरधाममा आयोजना गरेको तराई मधेशमा पर्यटन सम्वन्धी अन्तरक्रिया एवं वियोण्ड उदघोष कार्यक्रममा मन्त्री सोनलले प्रदेश नं. २ कृषि प्रदेशको रुपमा चिनाउने गरेकोले प्रदेशलाई कृषि पर्यटन क्षेत्रको रुपमा प्रदेश सरकारले विकास गर्ने लक्ष्य लिएको बताउनुभयो । “पर्यटनको यहाँ २ वटा आधार रहेको छ एउटा धार्मिक पर्यटन र अर्को कृषि पर्यटन । दुबैलाई संघीय, प्रादेशिक र स्थानीय सरकारले जोड दिएमा आर्थिक रुपमा सम्पन्न हुनेछ ।”– उहाँले भन्नुभयो ।

मधेशको पहिचानलाई चिनाउने उदेश्यले सुरु गरिएको भिजीट मधेश कार्यक्रमको प्रसंसा गर्दै उहाँले “‘भिजिट मधेशको प्रयासले पहिचान, मान्यता र अर्थ व्यवस्थामा ठुलो असर पुग्ने भएकोले भिजीट मधेश कार्यक्रमलाई हरेक तवरबाट प्रदेश सरकारले सहयोग गर्नेछ ।’– बताउनुभयो ।

उनले रामायणदेखि महाभारत र बुद्धसम्मका पौराणीक इतिहास बोकेका मधेशका धरोहरहरुलाई अन्तराष्टियस्तरसम्म लगेर मधेशलाई विश्वस्तरमा चिनाउन भिजीट मधेश कार्यक्रमबाट अगाडी बढाउन आग्रह गर्नुभयो । भिजिट मधेशका धनुषा संयोज ओम प्रकाश साहको अध्यक्षतामा भएको सो कार्यक्रमका विशिष्ट अतिथि जनकपुरधाम उपमहानगरपालिकाका मेयर लालकिशोर साहले राज्यको कुदृष्टिकै कारण मधेशमा रहेको एतिहासीक धरोहरको पहिचान हुन नसकेको बताउनुभयो ।

उहाँले मधेशमा पर्यटनलाई अगाडी बढाउनका लागि भिजीट मधेशको प्रयास सराहनीय रहेको बताउँदै सोही कार्यक्रम मार्फत शहिद पत्रकार उमा सिंहको नाममा अक्षयकोषको स्थापनको घोषणा समेत गर्नुभयो । कार्यक्रममा उद्योग राज्यमन्त्री सुरेश मण्डल, प्रदेशसभा सदस्य परमेश्वर साह लगायतले धारणा राख्नुभएको थियो ।

कार्यक्रममा मधेशका पर्यटक क्षेत्रहरुको बारेमा ग्लोबल कोडिनेटर राज सरार्फ र नेशनल कोडिनेटर ओम प्रकाश सर्राफले प्रकाश पारेका थिए । त्यस्तै असहाय संरक्षण मंचका अध्यक्ष तथा सरसफाई अभियानी वैधनाथ साह सेवक र संस्कृतिक राजदूतको नाममा प्रसिद्ध रहेका प्रशिध गायक रविराज साहलाई दोसल्ला ओढाएर सम्मान गरेका थिए ।

भिजिट मधेश कार्यक्रमको उदघोष कार्यक्रमको दौरान उपस्थित अतिथिहरुलाई पर्यावरण मैत्री ब्याच लगाइएको थियो । धार्मिक र वैज्ञानिक तवरले समेत पर्यावरण मैत्री मानिएको पीपलको पातको ब्याच सजाएर अतिथिहरुलाई लगाइएको सँयोजक ओम प्रकाश साहले जानकारी दिनुभयो ।

उहाँले मोटो रकम खर्च गरी प्लाष्टिक वा कागजको फोहोर गर्नुभन्दा शुद्ध पर्यावरण मैत्री एवम् उत्तम विकल्प पीपलको पातको ब्याच प्रदान गरिएको बताउनुभयो । उक्त कार्यक्रमलाई पत्रकार कैलाश दासले सँचालन गर्नुभएको थियो ।