'मेयर साहले गुण्डा लगाएर पत्रकार उपर आक्रमण गरे'

न्यूज ब्यूरो, जनकपुरधाम । मँगलबार दिउँसो पत्रकार र मेयरबीचको घटनामा नेपाल पत्रकार महासंघ प्रदेश २ समितिले आपत्ति जनाउँदै मेयर साहले गुण्डा लगाएर पत्रकारहरु उपर आक्रमण गराएको आरोप लगाएको छ ।

संघले जारी गरेको प्रेस विज्ञप्तिमा जनकपुरधाम उपमहानगरपालिकाका मेयर लालकिशोर साहसँग पत्रकारहरुले बाईट (विचार) लिन जाँदा पत्रकारहरुलाई गुण्डा लगाएर आक्रमण गर्न लगाएको उल्लेख गरिएको छ । पत्रकारहरुले सूचना माग्न जाँदा घण्टौ कुराएर उल्टै गुण्डा प्रवृति देखाएको आरोप हो ।

“जनकपुरधाम उप महानगरपालिकाका प्रमुख लार्लाकशोर साहसंग उनकै कार्यालयमा समाचार प्रायोजनका लागि बाईट लिन गएका पत्रकारहरुले नगरप्रहरी, आसेपासे, कर्मचारी र प्रत्यक्ष निर्देशनमा पत्रकारहरुमाथि सामुहिक कुर्टापटको घोर भत्संना गर्दछौं । कान्तिपुर टेलिभिजनका घनुषा संवाददाता अमरकान्त ठाक्र, एपी वनका व्युरो प्रम्ख विकास क्‌मार साह, संजय यादवका सहितका पत्रकारलाई तीन घण्टा कुराएर प्रतिक्रिया लिने क्रममा मिडिया आतंक मच्चाएको भन्दै कुटपिट गर्नेकार्य अत्यन्त लज्जास्पद र आपत्तिजनक विषय भएको हाम्रो ठहर छ ।” – विज्ञप्तिमा उल्लेख गरिएको छ ।

जनकपुरका मेयरले आफ्नो कार्यकक्षमै पत्रकारलाई कुटाए !

यसका साथै नेपाल पत्रकार महासंघ धनुषा शाखाका अध्यक्ष अनिल मिश्र उपर समेत दुरव्यवहार सहित आक्रमण गरेको बताइएको छ । मेयर साहका आसेपासे, कर्मचारी, नगर प्रहरीले पत्रकारहरुलाई हेल्मेट प्रहार गरेको थियो । पत्रकारहरुको क्यामेरा र मोबाईल समेत खोसेको बताइएको छ । मेयर साहले गुण्डा प्रवृति देखाउँदै अहंकार प्रदर्शन गरेको ठहर गरिएको छ ।

जारी गरिएको प्रेस विज्ञप्तिमा– “सूचनाको हक, सर्म्वन्धत विषयमा प्रतिक्रिया दिन आलटाल गर्ने तथा पत्रकारलाई घण्टौं कुराएर कुटपिटको विषयमा समन्वयनका लागि पुगेका नेपाल पत्रकार महासंघ धनुषाका अध्यक्ष अनिल मिश्च सहितका पत्रकारलाई पुनः संघातिक आक्रमण गराउनु निन्दनीय हो । मेयरको प्रत्यक्ष निर्देशनमा गुण्डा प्रवृतिका व्याक्तहरु लगाई उज्यालो नाईन्टी नेटवर्कका संवाददाता सुभाष कर्ण, देशसंचार डटकमका संवाददाता राजा झा, एबीसी टेलिभिजनका संवाददाता सुमित मिश्र र एपीवन टेलिभिजनका क्यामेरामेन सत्रुधन यादव समेतलाई कुटपिट गर्न लगाउनु शक्तिको दुरुपयोग तथा अहंकारी प्रवृतिलाई स्पष्ट गरेको छ ।” भनेर उल्लेख गरिएको छ ।

विगत केहि दिन देखि पत्रकारहरुले जानकी मन्दिरको फलवबारीको भित्ता भत्काएको विषयमा समाचार निरन्तर लेखेको र रकम चलखेलको आधारमा फूलवारीको जग्गा अतिक्रमण गरेको तथा नापी सर्वेक्षण टोलीले समेत जग्गा अतिक्रमण भएको ठहर गरिसकेको आरोप लाग्दै आएको बिषयमा पत्रकारहरु प्रतिक्रिया लिन जाँदा आक्रमणमा उत्रिन्‌ तथा मोबाईल, क्यामरा खोस्नु र कुर्टापट गराउनु लज्यास्पद भएको बताइएको छ ।

साथै एवीसी टेलिभिजनका संवाददाता सुमित मिश्रको मोवाईल र क्यामेरा खोसी लाठी, हेल्मेट तथा मुक्का प्रयाग गर्दै नगर प्रमुखका कार्यकर्ताहरुले खोस्नु प्रेस स्वतन्त्रतामाथिको ठाडो हस्तक्षेप भएको भन्दै घटनाको निष्पक्षरुपमा छानविन गरी पत्रकारलाई दुरव्यवहार गराउने र गर्नेहरुलाई कानूनी कारवाही गर्नेका लागि सम्बन्धित निकायलाई ध्यानाकर्षण गराएको हो ।

नगर प्रमुख साहले पत्रकारहरु माथि गरेको कुर्टापट सहितको दुर्व्यवहारले पुर्ण प्रेस स्वतन्त्रतामाथिको नांगो हस्तक्षेप र शासनसत्ताको नांगो र भद्दा दम्भ प्रवृत्तिका शासकको उन्माद प्रष्ट देखिन्छ । विभिन्न सूचनाहरु लिखित र मौखिक रुपमा मागदा समेत नदिने र उल्टै पत्रकारलाई दृश्मनको रुपमा लिनु नियतवश र गलत प्रवृतिको सुरुवात भएको आरोप लगाइएको छ ।