थर्ड एलायन्सबाट 'महरा र मिश्र' सम्मानित

न्यूज ब्यूरो, जनकपुरधाम । तराई मधेश अधिकार रक्षक सँजाल (थर्ड) एलायन्सको वार्षिक समिक्षा कार्यक्रममा विनोद महरा र मुकेश मिश्रलाई सम्मान गरिएको हो । थर्ड एलायन्सका कार्यकारी निर्देशक मोहन कर्णबाट महरा र मिश्र सम्मानित भएको हो ।

तराई मानव अधिकार रक्षक संजाल (थर्ड एलायन्स) को २०१९ को समिक्षा कार्यक्रममा मानव अधिकारको क्षेत्रमा १० वर्षदेखि सक्रियतापूर्वक काम गरेको तथा थर्ड एलाइन्समा ६ महिना भित्र मानवअधिकार संरक्षण, संवर्द्वन र अनुगमन कार्यमा राम्रो दखल रहेको भन्दै थर्ड एलायन्सका कार्यकारी निर्देशक मोहन कर्णबाट महरा सम्मानित भएका हुन् ।

तराई मानव अधिकार रक्षक संजालको सर्लाही जिल्ला संयोजक मुकेश मिश्रलाई मानवअधिकार क्षेत्रमा उत्कृष्ट काम गरे वापत धुलिखेलमा भएको तराई मानव अधिकार रक्षक संजालको तिन दिवसिय समिक्षा बैठकमा थर्ड एलायन्सको अध्यक्ष बैधनाथ मिश्रले सम्मान गरेको छ।

सर्लाही जिल्ला मानव अधिकारको दृष्टिकोणले प्रदेश न.२ को सबैभन्दा संवेदनशिल जिल्ला मानिन्छ। अन्य जिल्लाको तुलनामा सर्लाही जिल्लामा मानव अधिकारको हननको घटना व्यापक रहेको छ। विगत एक दशक भन्दा बढी लामो ऊर्जाशिल समय मानव अधिकारको संरक्षण, सम्बर्द्धन तथा अनुसन्धानमा मिश्रको महत्त्वपूर्ण योगदान रहेको छ। मुकेश मिश्रकै नेतुत्त्वमा सर्लाही जिल्लामा मानव अधिकार जिवन्त राख्न सम्भव भएको आयोजकले जनाएको छ। मिश्रको महत्त्वपूर्ण योगदानको कदर गर्दै सम्मान गरेको आयोजकले जनाएको छ।

धुलिखेलमा आयोजना तराई मानव अधिकार रक्षक संजालले गरेको दुई दिने समिक्षा बैठकमा १९ जिल्लाका कर्मचारीहरुको उपस्थिति रहेको थियो । यस भन्दा अघि इन्सेकमा १० वर्ष मानवअधिकार को क्षेत्रमा काम गरेको हो ।

मानवअधिकार दिवसमा पनि उल्लेखनीय योगदान गरेको भन्दै मुख्य मन्त्री बाट सम्मान पनि भएका छ्न ।