सुरक्षा तथा न्यायमा पहुँचको लागि सार्वजनिक सम्वाद

न्यूज ब्यूरो, महोत्तरी । महोत्तरीमा सुरक्षा तथा न्यायमा पहुँचको लागि सार्वजनिक सम्वाद कार्यक्रम सम्पन्न गरिएको छ ।

सोमबार युकेएडको आर्थिक सहयोग तथा भिएसओ नेपाल, इन्टरनेशनल अलर्ट साझेदारीमा तथा समग्र जन उत्थान केन्द्र लहान सिरहा सहकार्यमा आम नागरिक तथा अल्पसँख्यक समुदायलको न्यायमा पहुँच हेतु वृहत सँवाद कार्यक्रम गरिएको हो । सो सम्वाद कार्यक्रममा सरोकारबालाहरुले न्याय तथा सुरक्षामा पहुँच उपर चर्चा गरेका थिए ।

जिल्ला प्रहरी कार्यालय महोत्तरीको संयुक्त आयोजनामा सुरक्षा तथा न्याय पहुँच अभिबृद्धिका लागि बृहत सार्वजनिक सम्बाद कार्यक्रम सम्पन्न गरिएको हो । जिल्ला समन्वय समिति महोत्तरीका सभापति सुरेश प्रसाद सिंहको अध्यक्षतामा तथा प्रदेश नं. २ को प्रदेशसभा सदस्य रानी शर्मा तिवारीको प्रमुख आतिथ्यमा सम्पन्न भएको सो सम्वाद कार्यक्रममा सरोकारबालाहरुले आ-आफनो धारणा राखेका थिए ।

वर्तमान परिस्थितिमा समाजको सुरक्षा र न्यायलयसम्मको पहुचको बारेमा चर्चा गर्दै उनीहरुले दबिएका आवाजलाई बुलंद गरी सबै पक्षलाई न्याय र सुरक्षामा पहुँचको लागि सहकार्यको आवश्कयता औल्याएका थिए । कार्यक्रममा युकेएडका प्रियंका झा, युएनओपिएसका आलोक ठाकुर इन्टरनेशनल अलर्टका महेन्द्र महतो तथा समग्र जन उत्थान केन्द्र, लहानका अध्यक्ष भैरव प्रसाद गेलाल, कार्यक्रम अधिकृत निर्मा चौधरी तथा सामाजिक परिचालक बिनय पाण्डे, लक्ष्मी काफ्ले तथा बलिराम कापरीको उपस्थितिमा कार्यक्रम सम्पन्न भएको हो ।