धनुषाका H.A हरुद्वारा आन्दोलनको चेतावनी

न्यूज ब्यूरो, जनकपुरधाम । धनुषाका हेल्थ असिस्टेन्ट (H.A)हरुले उनीहरुलाई न्यायोचित पदस्थापन नगरेको भन्दै आन्दोलनको चेतावनी दिएको छ । हेल्थ असिस्टेन्ट एसोसिएसन जिल्ला कार्य समिति धनुषाले उनीहरुलाई न्यायोचित पदस्थापन नगरेको भन्दै अध्यक्ष धिरेन्द्र कुमार यादवको नेतुत्वमा एचए हकहितका लागि ज्ञापन पत्र बुझाएईको छ ।

पदगत जेष्ठताको अधारमा ५,६,७ मा समायोजन भएका कर्मचारीलाई जिम्मेवारी विहिन गराई न्यायोचित जिम्मेवारी नदिएकोले खेद प्रकट गर्दै उनीहरु समयमै समाधान नगरे आन्दोलन समेत गर्ने चेतावनी दिएका छ्न् । संघीय मामिला तथा समान्य प्रशासन मन्त्रालय लाई ज्ञापन पत्र जिल्ला प्रशासन कार्यलय धनुषाबाट बुझाईको छ ।

स्वास्थ्य सेवा ऎन २०५३ नियमावली २०५५ र कर्मचारी समायोजन ऎन २०७५ विपरीत स्वास्थ्य सेवालाई धारासाही बनाउने गरि माथिल्लो शैक्षिक योग्यता नै नभएका र लोक सेवा को प्रक्रिया पूरा नगरेको कर्मचारी लाई स्तरृद्धि भएको आधारमा सिधै माथिल्लो तहको जिम्मेवारी दिने किसिमले समायोजन हुने गरि स्थानीय तह र स्वास्थ्य चौकिको मात्र संगठन संरचना नियतवस केही कर्मचारीलाई फाईदा हुने गरि ०७५/०९/२९गते संशोधन गरि ल्याएको छ ।

समायोजन ऐन भइ धनुषा जिल्ला अन्तर्गत सम्पुर्ण स्थानीय तहको स्वास्थ्यका कर्मचारी स्थानीय तहमा विभिन्न पदमा समायोजन भएका छ्न । ज्ञापन पत्र बुझाउनका लागि एशोसिएसनका जिल्ला अध्यक्ष धिरेन्द्र कुमार यादव , उपाध्यक्ष देबेन्द्र यादव , सह सचीव अरुण कुमार मण्डल , कोषाध्यक्ष मनोज कुमार यादव लगायत जिल्ला भरीको सद्स्य हरुको सहभागिता थियो ।