१०० विपन्न बालबालिकाहरुलाई न्यानो लुगा

न्यूज ब्यूरो, जनकपुरधाम । शितलहरसँगै बढेको चिसोका कारण विपन्न समुदायका बालबालिकाहरु बढी प्रभावित भईरहेको बेला जनकपुर युथ नेटकर्व सोसाईटीले न्यानो कपडा वितरण गरेको छ ।

शनिबार जनकपुरधाम उपमहानगरपालिका वडा नं. ८ रामानन्दचोक स्थित विपन्न समुदायका १०० बालबालिकाहरुलाई न्यानो कपडा वितरण गरेको हो । सोसाईटीका सदस्य तथा पदाधिकारीहरुले चिसोका कारण उनीहरुको स्वास्थ्य अवस्थामा प्रभाव पारिरहेको मध्यनजर गर्दै न्यानो कपडा वितरण गरिएको हो ।

वडा नं. ८ का विपन्न समुदायका बालिबालिकाहरुलाई एक ठाउँमा भेला गरी न्यानो ज्याकेट वितरण गरिएको नेटवर्कका सलाहकार सरोज मिश्रले जानकारी दिनुभयो । उहाँका अनुसार जनकपुरमा सँचालित विभिन्न कपडा पसलबाट न्यानो लुगा सँकलन गरी बालबालिकाहरुलाई प्रदान गरिएको हो । न्यानो कपडा पाएपछि बालबालिकाका साथै उनका अभिभावकहरु नेटवर्कका पदाधिकारीहरुप्रति धन्यवाद ज्ञापन गरेका हुन् ।

सामाजिक दायित्व र मानवीय सेवाको लागि मानवताको भावले उनीहरुलाई चिसोमा कठयाँग्रिन नपरोस भन्ने उदेश्यले समाजिक कार्यमा दायित्व निर्वाह गरेको बताउनुभयो । उहाँले समाजले समाजलाई हेर्ने दृष्टि र मनोभाव सदा मानवतापूर्ण हुनुपर्ने बताउनुभएको छ ।

लुगा वितरणमा जनकपुर यूथ नेटवर्क सोसाइटीका तर्फ बाट कयूम राइन , रंजन झा, अलाउदीन खान, सरीफ राइन, उज्वल झा, राहुल राइन, अरुण कुमार साह, सुधीर दास, हिमांषु रॉय, सुजीत झा, पीयूष साह, राजीव सिंह , सफाई अभियानी दीपक ठाकुरको उपस्थिति रहेको थियो ।