उँखु किसानको आन्दोलनमा पनि राजनीतिले किसानलाई थप 'पीडा'

न्यूज ब्यूरो, जनकपुरधाम । सर्लाहीका उँखु किसानहरु आफनो बक्यौता माग गर्दै देशको राजधानी काठमान्डौंमा प्रदर्शन गर्न गएको बेला भित्रैबाट राजनीति फिट भएको युवाहरु बताएका छन् ।

उँखु किसानको आन्दोलनमा ऐक्यबद्धता जनाउँदै काठमान्डौंमा रहेका युवा, संघसंस्थाहरुले विभिन्न ठाउँमा प्रदर्शन गरेका थिए । युवाहरुको संगठन, समाजिक सँस्था, गैर सरकारी सँस्थाहरुले समेत उँखु किसानको आन्दोलनलाई मोहरा बनाएर भित्री राजनीति गरेको आरोप लगाइएको छ ।

उँखु किसान आन्दोलन संघर्ष समितिले सरकारसँग वार्ताको लागि गएपनि कुनै निष्कर्ण भने निकाल्न सकेको छैन । यता, संघर्ष समितिले वार्ता पुरा नै नगरी आन्दोलनलाई स्थागित गरेको भन्दै आक्रोस जनाएका छन् । काठमान्डौंमा बस्ने मधेशी मूलका युवाहरुले किसानहरुको आन्दोलनलाई सहयोग गर्दै सडक तताएका थिए । कति दिन उनीहरु काठमान्डौंको माईतीघर मण्डलामा प्रदर्शन समेत गरेका थिए ।

बुधबार नेपाल सरकारले संघर्ष समितिलाई वार्ताको लागि बोलाएको थियो । सरकारको तर्फबाट उपप्रधानमन्त्री, उद्योगमन्त्री र कृषिमन्त्रीको टोली तथा उँखु किसानको तर्फबाट संघर्ष समितिको टोली वार्ताको लागि बसेको थियो । तर, वार्ता भने सफल हुन सकेनन् ।

वार्ता समितिका अगुवा , नेतृत्वकर्ता एवम् सर्लाही निर्वाचन क्षेत्र नं. ४ का राजपाका प्रत्यासी उम्मेदवार राकेश मिश्रले सरकारको वार्ता टोलीसँग वार्ता गर्न गएपनि कुनै निष्कर्ष समेत टुँगो नलगाउँदै आन्दोलन स्थगित गरेको हो । विहिबार आन्दोलनको क्रममा सडक तताउन तथा रयाली सहित बानेश्वर पुगेका युवाहरुको समूहलाई वार्ता समितिले रोकेपछि युवाहरुमा आक्रोस बढेको छ । उनीहरुले उँखु किसानको पीडामा पनि राजनीति गरेको आरोप लगाएका छन् ।

यता, आन्दोलनका अगुवा मिश्रका अनुसार सरकार समक्ष ११ बुंदे माग राखेको जनाउँदै सरकारको तर्फबाट आएका मन्त्रीहरुले मौखिक रुपमा सहमति गरी आन्दोलन स्थगित गर्न भनेको तथा आफूहरु स्वीकार नगरेको जनाउँदै आन्दोलन जारी नै रहेको बताउनुभएको छ । न्यूज ब्यूरोसँग कुराकानी गर्दै नेतृत्वकर्ता मिश्रले यसअघि पनि सरकारले लिखित रुपमा पनि किसानहरुको भुक्तानी गर्ने सहमति गरेपनि अहिलेसम्म भुक्तानी नदिएकोले आफूहरुसँग वार्ता विफल भएको बताउनुभयो ।

आफूहरुले लिखित रुपमा सहमति गर्न खोजेपछि मन्त्रीगणले मौखिक रुपमा मात्र भनेर आन्दोलन स्थगितको प्रस्ताव गरेपछि वार्ता सफल नभएको बताउनुभयो । संघर्ष समितिका सचिव हरिश्याम रायले आफूहरु उँखु किसानको भुक्तानी सम्बन्धमा पुस २५ गतेभित्र ८० प्रतिशत रकम भुक्तानी र माघ ७ गतेभित्र २० प्रतिशत गरी भुक्तानीको लागि संघर्ष समितिमै सहमति गरेको बताउनुभयो । उहाँले यो कुरा अबको वार्ता बैठक बोलाएपछि राख्ने बताउनुभयो । उहाँले समेत आन्दोलन जारी राखेको बताउनुभयो ।

सर्लाहीको महालक्ष्मी सुगर मिलले मात्र किसानहरुलाई गत वि.सं. २०७० सालदेखि नै भुक्तानी नदिएको बताउँदै २१ करोडको भुक्तानी बाँकी रहेको आन्दोलन समितिका नेतृत्वकर्ता मिश्रले जानकारी दिनुभयो । उहाँका अनुसार त्यही क्षेत्रको अन्नपूर्ण सुगर मिल उपर ५० करोड, महालक्ष्मीको २१ करोड र सरकारको अनुदान गरी एउटै निर्वाचन क्षेत्रबाट करिब १ अर्ब रुपैयाँ भुक्तानी बाँकी रहेको बताउनुभयो ।

सर्लाहीका उँखु किसानहरुले विगत ७ वर्षदेखि भुक्तानी नपाएपछि ऋण काढेर आफ्नो भुक्तानी गराइदिन सरकारलाई गुहार्न काठमान्डौं आएका हुन् । काठमान्डौंको माईतीघरमा चिया, विस्कुट खाएर धर्ना दिँदै आएको छ । त्यसमा पनि राजनीतिक दलले राजनीति गरेपछि किसानहरुको पीडामा थप नुन छर्किएको युवाहरु बताउँछन् ।