शंकास्पद भनिएको बोरामा आलू र तराजू

न्यूज ब्यूरो, जनकपुरधाम । हिजोदेखि नै धनुषाको महेन्द्रनगरमा राखिएको बेबारिसे बोरामा आलू र तराजू फेला परेको छ ।

हिजोदेखि नै बेबारिसे अवस्थामा बोरा देखिएपछि शंकास्पद भनिएको तथा बोरामा विस्फोटक पदार्थ हुन सक्ने अनुमान गरिएपनि त्यसमा आलू र तराजू भेटाएको छ । दिउँसो धनुषाका प्रमुख जिल्ला अधिकारी प्रदीपराज कनेल र प्रहरी प्रमुख महेन्द्रनगर पुगेपछि नेपाली सेनाको बम डिस्पोजल टोलीलाई खवर गरेको थियो ।

केही दिन अगाडी भएको शक्तिशाली बम विस्फोटपछि धनुषाको विभिन्न स्थानमा शंकास्पद वस्तु देखिएपछि प्रशासन चौकन्ना हुँदै आएको छ । विस्फोटमा परी एक प्रहरी ईन्सपेक्टर सहित दुई सर्वसाधारणको ज्यान गएपछि शंकास्पद वस्तु देख्ने वित्तिकै नेपाली सेनालाई खवर गर्ने गरेको छ ।

धनुषाको क्षीरेश्वरनाथ नगरपालिका वडा नं. ५ महेन्द्रनगर स्थित मँगलबारेदेखि नै बेबारिसे अवस्थामा राखिएको बोरामा विस्फोटक पदार्थ तथा बम हुन सक्ने आशंकामा सुरक्षा निकाय गम्भिर भएको थियो । बोरामा आलू र तराजु मात्र भेटाएपछि त्यहाँको जनजीवन समान्य बनेको छ ।