नेपाल चलचित्र संघ प्रदेश नं. २ के अध्यक्षमे 'निर्विज'

न्यूज ब्यूरो, रौतहट । अखिल नेपाल चलचित्र संघ प्रदेश नं. २ के अध्यक्ष एवम नेकपा रौतहट जिल्ला सद्स्य विजय यादव निर्विज, रौतहट जिल्लाके अपन गृह नगरपालिका फतुवा विजयपुरके तिसरका नगरसभा कालु शुक्रबार सम्पन्न भेल हए ।

असाढ मसान्तमे होएबाला नगरसभा आठ महिना लेट करके कालु मात्रे समपन्न शुक्रवार भेल हए तिसरका नगर परिषदके विरोध कएले छत । नगरके बन्धक बनावइत स्वार्थपूर्ण फतुवा विजयपुर नगरपालिकाके नगर प्रमुख गोपाल यादव बहुतम कार्यपालिकाके सदस्य सबके विरोधके बाबजुद कएले नगरसभा अवैधानीक भेल कहइत अध्यक्ष यादव विरोध कएले हए ।

दुउ बर्षसे नगरप्रमुख गोपाल यादव नगरके बन्धक बनाके , अध्यक्ष यादव आरोप लगावइत अइअसन कार्य तत्काल बन्द करके नगरके समृद्ध नगरपालिका बनावेमे सबके साथलेके अगाडी बढेला अनुरोध समेत कएले छत । नगरप्रमुख बितल वर्षके लेखा जोखा नकएले करोड़ो भ्रष्टाचार कएले समेत अध्यक्ष यादव आरोप लगएले हए । अध्यक्ष यादव शुक्रबार नगरसभा के समाजीक संजाल फेसबुक मार्फत विरोध जनएले रहे ।

बिधिके शासनके ख्यालै नकएले फतुवा विजयपुर नगरपालिकाके तिसरका नगरसभाके नौटंकी मंचन भेल , बहुमतके नजरअंदाज करके बाहारसे आदमी बोलाके नगर सभाके नाटक मंचन कएले , बहुमत कार्यपालिकाके सदस्यके बिरोध बहाजुध करइत आपन निहित स्वार्थके लेल केहि सिमित व्यक्तिके स्वार्थपूर्ण पुर्तिके लेल कएले नगर सभाके सबके बहिस्कार करेके कहइत अध्यक्ष यादव आक्रोस पोखले हए ।

फतुवा विजयपुर के तिसरका नगरसभामे २१ सदस्यी कार्यपालिकाके सदस्य मध्ये उप प्रमुख कान्ती देवी महतो सहित १२ जना सदस्य बहिस्कार कएले छत । कार्यपालिकाके सदस्यसब असहमतिमे भेल नगरसभाके सभीके विरोध कएले हए ।

नगरसभाके बहिस्कार करे सबमे वार्ड १ के वाडा अध्यक्ष संजय साह, वार्ड ३ के वाडा दीपनारायण साह, वार्ड नं . ४ के वाडा ब्रहमा नरायण यादव, वार्ड नं . ६ के वाडा हीरालाल यादव, वार्ड नं. ७ के वाडा सुर्य नरायण चौधरी, वार्ड नं. १० के वाडा योगेन्द्र चौधरी, कार्यपालिका के सदस्य संजु देवी, जिरणी देवी, लालबाबु निधि, लक्ष्मण साह, फूलकुमारी देवी, शशिकांत साह लगायतके रहल हए ।

अइसही नगर प्रमुख गोपाल यादव, बिधि संगत बहुतम सदस्यसबके सहभागितामे शुक्रबार नगर सभा सम्पन्न कएले , केही असंतुष्ट रहल सदस्य सबके अगामी दिनमे सहमतिमे लेयाके आगारु बढेला बतएले हए ।

यो समाचार प्रदेश नं. २ को अधिकांश जिल्लामा बोल्ने बज्जिका भाषामा लेखिएको छ ।