काँग्रेस सभापति शेरबहादुर देउवा सहित शिर्ष नेताहरु धनुषा आउँदै

न्यूज ब्यूरो, जनकपुरधाम । प्रजातान्त्रिक आन्दोलनमा ज्यानको आहुति दिएका धनुषाका बलराम नायकको श्रद्धाञ्जली सभामा सहभागी हुन नेपाली काँग्रेसका शिर्ष नेताहरु भोली (शनिबार) धनुषा आउन लागेका हुन् ।

धनुषाको सबैला नगरपालिका बजारमा आयोजना गरिएको सभामा सहभागी हुन तथा श्रद्धाञ्जली अर्पण गर्न नेपाली काङ्ग्रेसका सभापति शेरबहादुर देउवा सहित शिर्ष नेताहरु आउन लागेका हुन् । शोक सभालाई शक्ति सभामा बदलौ मुल नाराका साथ कार्यक्रममा सहभागी हुन उहाँहरु आउन लागेका हुन ।

निरंकुश तानाशाही शासन विरुद्ध नेपाली काङ्ग्रेसको नेतृवमा जारी प्रजातान्त्रिक आन्दोलनहरुमा सक्रिय भूमिका निर्वाह गरेका प्रजातान्त्रिक योद्धा स्व बलराम नायक प्रती श्रद्धाञ्जली अर्पण गर्न नेपाली काङ्ग्रेसको केन्द्रिय सभापति एवं पुर्व प्रधानमन्त्री समेत रहेका देउवा सहित वरिष्ठ नेता राम चन्द्र पौडेल एवं केन्द्रिय उपसभापति विमलेन्द्र निधि लगायत केन्द्रिय नेताहरु आउने भएको छ ।

शनिबार दिउँसो १२ बजेदेखि सबैला बजारमा आयोजना गरिएको उक्त सभाको लागि पूर्ण तयारी भईसकेको क्षेत्रिय सभापति जीतनारायण यादवले जानकारी दिनुभयो । उहाँका अनुसार, सबैला बजारदेखि देखि बिरेन्द्रबजार सम्म सहित प्रदेश नं. २ केन्द्रिय सद्स्यहरु सहभागी हुनेछ । केन्द्रीय नेताहरुको आगमनले हुन सक्ने सुरक्षा चुनौतिलाई समेत मध्यनजर गर्दै सुरक्षा व्यवस्था चुस्त पारिएको जनाइएको छ ।