मोनाष्टिका ८४ विद्यार्थी 'दीक्षित'

न्यूज ब्यूरो, जनकपुरधाम । जनकपुरको मोनाष्टिक आवासीय माध्यमिक विद्यालयले दीक्षान्त समारोह मार्फत विद्यार्थीहरुलाई दीक्षित तुल्याएको छ ।

विद्यालयले बुधबार “प्रि—स्कुल ग्रेजुएशन सेरोमोनी” अर्थात दिक्षान्त कार्यक्रम आयोजना गरी विद्यार्थीहरुलाई दीक्षित तुल्याएको हो । प्रदेश नं. २ सहित अन्तराष्ट्रिय शिक्षा जगतमा समेत चर्चा बटुलेका मोनाष्टिक स्कूलले प्री लेभेल उतीर्ण गरेका विद्यार्थीहरुलाई दीक्षित तुल्याएको हो । अहिले ती विद्यार्थीहरु कक्षा १० मा मोनाष्टिकमै अध्ययनरत छन् ।

विद्यालयकी सँस्थापितक डा. विणा देवी साहको अध्यक्षता तथा जनकपुरधाम उपमहानगरपालिकाका मेयर लालकिशोर साहको प्रमुख आतिथ्यमा सम्पन्न भएको दीक्षान्त समारोहमा ८४ विद्यार्थीहरुलाई दीक्षित तुल्याउँदै प्रमाणपत्र समेत प्रदान गरिएको विद्यालयका प्रबन्धक निर्देशक डा. सोनु कुमार साहले जानकारी दिनुभयो ।

“दिक्षान्त त वास्तवमा स्नातकोत्तर पछि नै हुन्छ तर हामीले जनकपुरमा एउटा नौलो प्रयासको सुरुवात गरेको छु ।” डा. साहले भन्नुभयो । मोनाष्टिक स्कुल इन्टरनेशनल स्तरमा ख्याति प्राप्त गरिसकेको बताउँदै विद्यार्थीहरुमा सबै प्रकारको विकासको आवश्यकता रहेको कथन उहाँको थियो ।

विद्यालयले आफ्ना् ३४ औं वार्षिकोत्सवको अवसरमा आयोजना गरिएको दीक्षान्त समारोहमा वि.सं. २०७५ सालको वार्षिक परीक्षामा सामेल यू.के.जी. का छात्रछात्राहरु रहेका छन् । उनीहरुलाई पूर्व प्राथमिक तहको स्नातकीय उपाधि प्रदान गरी प्रमाणपत्र समेत दिइएको छ।

कार्यक्रममा विद्यालय सदस्य डा. शिखा नायक, नगर शिक्षा शाखाका शिक्षा अधिकृतद्वय मेहीलाल यादव र अञ्जु पाण्डे, अभिभावक, शिक्षक, विद्यार्थी, पत्रकार तथा शुभचिन्तकहरूको उपस्थिति रहेको थियो ।