धनुषामा जेठाजुद्धारा खुकुरी प्रहार गरी बुहारीको हत्या !

न्यूज ब्यूरो, जनकपुरधाम । धनुषामा एकै परिवारमा बस्ने आफ्नै जेठाजु (भैँसुर) ले बुहारी (भाबो) उपर खुकुरी प्रहार गरी हत्या गरेका छन् ।

धनुषाको मिथिला नगरपालिका वडा नं. ३ बडहरीमा जेठाजुले खुकुरी प्रहरी गरि आफ्नै बुहारीलाई गम्भिर घाइते बनाएका छ्न् । स्थानीय श्रीप्रसाद पँजियारले आफ्नै बुहारी अन्दाजी वर्ष २८ की रानी देवि पंजियारलाई हत्या गरेको ईलाका प्रहरी कार्यालय ढल्केवरले जनाएको छ ।

घरेलु विवाद हुँदा रानीको टाउको पछाडी ३ पटक खुकुरी प्रहार गरेपछि गम्भिर घाईते भएकी उनलाई उपचारको लागि जनकपुर अञ्चल अस्पतालमा ल्याइएको थियो । त्यहाँ उपचार सम्भव नभएपछि उनको थप उपचारको लागि विराटनगर न्यूरो हस्पिटल उपचारको लागि रिफर गर्दा विराटनगर लैजाँदै गर्दा बाटोमै मृत्यू भएको प्रहरीले जनाएको छ ।

मृत्यू अघि रानीले प्रहरीलाई दिएको बयान अनुसार उनको जेठाजुले उनलाई विवाद हुँदा खुकुरी प्रहार गरेको हो । यद्यपी यसबारे अनुसन्धान जारी राखेको तथा घटनास्थलमा खुकुरी, त्यसको दाम भने फेला परेको प्रहरीले जनाएको छ । खुकुरी प्रहार श्रीप्रसादले नै गरेको भनेर पुष्टि नभएको ईलाका प्रहरी कार्यालय ढल्केवरका प्रहरी नीरिक्षक राम कुमार यादवले जानकारी दिनुभयो ।

जनकपुरधाम उपमहानगरपालिका वडा नं. २१ घर भई रानीको विहे भने मिथिला नपा ३ बडहरीमा भएको थियो । श्रीमान वैदेशिक रोजगारमा बिदेश रहेको प्रहरीले जनाएको छ । यता, खुकुरी प्रहार गर्ने श्रीप्रसाद भने फरार रहेका छन् भने उनको खोजी ढल्केवर प्रहरीले तीव्र पारेको जनाईएको छ ।