उपेन्द्र यादब जेल जान सक्छ : डा. सिके राउत

न्यूज ब्यूरो, रौतहट । जनमत पार्टीका अध्यक्ष डा. सिके राउतले संघीय सरकारका कानुन मन्त्री एवम् समाजवादी पार्टीका राष्ट्रिय अध्यक्ष उपर निसाना साध्नुभएको छ ।

डा. राउतले उपेन्द्र यादव गौर हत्या काण्डमा जेल जाने संभावना प्रबल रहेको बताउनुभएको छ । मुस्लिम जनमत संघ रौतहटद्वारा रौतहटको सदरमुकाम गौरमा आयोजित विशाल आमसभालाई सम्बोधन गर्दै डा. राउतले यादव आफु जेल जाने डरले सरकारमा बसिरहेको बताउनुभयो।

उहाँले भन्नुभयो, “कुन दिन गौर हत्या काण्डको छानबिन हुन्छ , उपेन्द्र जि जेल जानु हुन्छ । जसलाइ आफै जेल जानबाट बाच्न धौधौ छ उसले मधेशी जनताको सुरक्षा दिलाउन कसरी सक्छ होला ? सोचनीय विषय छ ।” राउतले उपेन्द्र यादव मात्र नभई यादव नेतृत्वको समाजवादी र अर्का मधेसवादी दल राष्ट्रिय जनता पार्टी सदियौ देखि मधेस र मधेसीलाई ठगी रहेको आरोप लगाउनुभयो ।

नागरिकता विषय, एक मधेस एक प्रदेशको विषय, जागिरमा समानूपातिक समावेशिताको विषय उठाएर मधेसी जनतालाई राज्यबाट मार्न लगाई सत्ताको स्वाद चाख्नु भन्दा अर्को कुनै काम नगरेको आरोप लगाउनुभयो । “मधेस आन्दोलन हुदाँ तपाईहरु आन्दोलन गर्नुस । यो मधेसीकै हक अधिकारको लडाई हो ।” भनेर उक्साएर मधेशीलाई मृत्यूको घाट उतारेको बताउनुभयो ।

५० लाख रुपैयाँको लोभ देखाएर युवाहरुलाई रणभूमिमा उतारी लासको सिढी बनाएर सत्तामा पुगेको बताउनुहुँदै उहाँले मधेसी दलका नेताहरु प्रदेश २ मा आफ्नै सरकार ५० लाख त के सहिद र घाईते परिवारलाई बिर्सेको गम्भीर आरोप समेत लगाउनुभयो । मधेसी जनताले तपाईहरु सित आन्दोलन गरेर सहादत प्राप्त गरेको औल्याउँदै “तपाईको घर आँगन यी नेताहरु वा कार्यकर्ता गए तपाईले के दिनु भो ? सहिद परिवारले ५० लाख पाए ? मधेसीले जागिर पाए ? एक मधेस एक प्रदेश भयो त ? घाईते परिवारले के पाए ? सबै मधेसीले आत्म सम्मान र हक अधिकार पाए त ? भनेर सोध्न आग्रह समेत गर्नुभयो ।

मधेसी जनतालाई सधैदेखि शोषण उत्पीडनमा पार्दै आएका तत्कालीन माओवादीबाट फूटेर समाजवादी बनेको र काँग्रेसबाट फूटेर बनेका राजपा पार्टी पुनः त्यही पार्टीमा विलय हुने ठोकुवा गर्नुभयो । दुबै पार्टीका पदाधिकारीहरुको गार्जियन सत्तामा बस्दै आएका दलहरुको ठूल ठूला नेता भएको उनीहरु त्यही गार्जियनको इसारामा हिडने गरेको आरोप लगाउनुभयो ।

राजपा र फोरमको राजनिति परिवारवाद, नातावाद, कृपावाद सम्म सिमित रहेको डा. राउतले बताउनुभयो । “आन्दोलन गर्ने मधेसी अनि पदमा पुगी माननीय मन्त्री बन्ने नेताहरुको साली, समधिनी, साला, समधी, स्वास्नी यो कहाँ सम्मको न्याय हो ।”– यसबारे गम्भीर भएर मनन गर्न जनतालाई अपिल गर्नुभयो ।

उहाँले मधेसी जनतालाई ठगेर आफ्नो राजनिति व्यापार बढाएका दलहरुलाई बहिष्कार गर्न समेत अपिल गर्नुभयो । कहिले पनि दुधको साक्षी बिरालो नहुने भएकोले यस्ता ठग र काँग्रेस, नेकपा जस्तो पहाडि पार्टीलाई मधेस र मधेसीको हक अधिकार र रक्षाको लागि कहिलै नचुन्न समेत अनुरोध गर्नभुयो । राउतले स्थानीय सरकारका प्रमुखहरु छोटे राजा बनी निरंकुश राजतन्त्रझै गरिब निमुखाको घर भत्काइ घरबारबिहिन गराउने काम गरिरहेको भन्दै दुःख ब्यक्त गर्नुभयो ।

हजारौं जनताको उपस्थितमा गर्जिएको राउतले मदेश र मधेसीको सपनालाई चकनाचुर गर्दै आएको बिगतका छेपारो प्रवृत्तिको पार्टी पंक्तिलाई बाइपास गर्दै जनमत पार्टीमा जुड्न आग्रह समेत गर्नुभयो ।