धनुषाका परिचित गायक 'रुद्रसेन' लाई सर्वोत्कृष्ट गायक अवार्ड

न्यूज ब्यूरो, जनकपुरधाम । धनुषाका चिरपरिचित एवम् नेपाली गायन क्षेत्रमा जमेका रुद्रसेन विश्वकर्मालाई उत्कृष्ट अवार्डले सम्मानित गरिएको छ ।

पछिल्लो समय चर्चामा रहन सफल सुमधुर आवाजका धनि गायक विश्वकर्माले ‘नेपाल संगीत उधोग संघले राजधानीमा आयोजना गरेको “नेपाल संगीत उधोग संघ राष्ट्रिय म्युजिक अवार्ड( २०१९” मा चर्चित मैथिली गित “कानोमे आँहाके झुम्का” मार्फत सर्बोत्कृष्ट मैथिली गीत गायकको अवार्ड हाँसिल गर्न सफल भएका हुन् ।

भोजपुरी, मैथिली तथा नेपाली गीति विधामा गायकको रुपमा छुट्टै पहिचान बनाउन सफल गायक रुद्रसेन विश्वकर्माले दर्जनौ गीतहरुमा सुमधुर स्वर भरेर चर्चा बटुलेका छन् । उनले यस अवार्डमा मैथिली गीतको विधा मार्फत सर्वोत्कृष्ट मैथिली गीत गायकको अवार्ड पाउन सफल भएका छन् ।

गायक रुद्रसेनको शब्द र सङ्गित रहेको विशाल निरौलाले एरेन्ज गरेका उक्त मैथली कल्चरल गीतमा गायक रुद्रसेनको स्वरका साथमा चर्चित गायिका ज्योति मगरको पहिलो पटक मैथिली गीतमा स्वर गुञ्जीएको छ । अहिलेका व्यस्त निर्देशन प्रदिप कुमार रसाईलीले निर्देशन गरेका उक्त गीतमा गायक रुद्रसेन विश्वकर्माको साथमा मोडेल तथा नायिका रिचा थापा को बेजोड़ नृत्य,अभिनय रहेको गीतलाई निर्माण भने निर कुमारी विश्वकर्मा (सविना) ले गरेकी हुन् ।

मंसिर ३० गते सोमवार, राजधानीको कमलादी स्थित प्रज्ञा भवनमा सम्पन्न “नेपाल संगीत उधोग संघ राष्ट्रिय म्युजिक अवार्ड( २०१९” मा उनि सर्वोत्कृष्ट मैथिली गीत गायकको रुपमा अन्य उत्कृष्ट पाँचका प्रतिश्प्रधिलाइ उछिन्दै उक्त अवार्ड जित्न सफल भएका थिए ।

भर्खरै मात्र सम्पन्न अर्को अवार्ड ‘औद्योगिक शान्ति नेपाल म्युजिक अवार्ड–२०७६’ समेत उनले सर्वोत्कृष्ट कल्चरल गायकको रुपमा अवार्ड जित्न सफल भएका थिए । विभिन्न मेला महोत्सब, स्टेज कार्यक्रममा समेत ब्यस्त रहदै आएका चर्चित गायक रुद्रसेन बिश्वकर्मा राष्ट्रीय लोक तथा दोहोरी गीत प्रतिष्ठान नेपाल, जिल्ला “कार्य समिति धनुषा” का अध्यक्ष समेत हुन् ।