धनुषाको महेन्द्रनगरमा पुनः शंकास्पद वस्तु फेला, सडक खाली गराइयो !

न्यूज ब्यूरो, जनकपुरधाम । बमैबमको हल्लापछि पुनः धनुषाको महेन्द्रनगरमा बेबारिसे झोला भेटाएपछि तनाव उत्पन्न भएको छ ।

धनुषाको क्षीरेश्वरनाथ नगरपालिका वडा नं. ५ महेन्द्रनगर देखि सखुवाचोक स्थित बेबारिसे कालो झोला देखेपछि स्थानीयहरुले प्रहरीलाई खवर गरेको हो । सडक छेउमा राखिएको उक्त कालो झोला शंकास्पद रहेको बताइएपनि यकिन भने हुन सकेको छैनन् । प्रहरीका अनुसार वर्तमान घटनाक्रमलाई मध्यनजर गर्दै झोला संकास्पद देखिएपछि तत्कालै सडक खाली गराईको हो ।

यता, यस सन्दर्भमा जिल्ला प्रहरी कार्यालय धनुषाले यस सन्दर्भमा अनभिज्ञता जनाएपनि ईलाका प्रहरी कार्यालय महेन्द्रनगरले भने झोला संकास्पद देखिएको र यस उपर अनुसन्धान गरिरहेको जनाएको छ । उक्त झोला कुनै यात्रुको पनि हुन सक्ने र भूलवंश छुटेको हुन सक्ने अनुमान गरिएपछि सुरक्षा दृष्टिकोणलाई हेर्दै सडकको दुवै तर्फ खाली गराउँदै आवत जावत बन्द गरेको हो ।

अपडेट

महेन्द्रनगरमा राखिएको झोलामा कागजातहरु मात्र ( राती १० बजेर ५ मिनेटको अपडेट)

न्यूज ब्यूरो, जनकपुरधाम । केही बेर अगाडी धनुषाको महेन्द्रनगरमा बेबारिसे भनिएको झोलामा बम नरहेको नेपाली सेनाको बम डिस्पोज टोलीले जनाएको छ । बेबारिसे कालो झोला देखिएपछि बमको आशंकामा सडक खाली गराइएको थियो भने नेपाली सेनाको बम डिस्पोजल टोलीले त्यसमा बम नरहेको पुष्टि गरेको छ ।