भर्खरै, धनुषामा मोटरसाईकल दुर्घटना हुँदा एक जनाको घटनास्थलमै मृत्यू !

न्यूज ब्यूरो, जनकपुरधाम । केही बेर अगाडी मात्र धनुषामा भएको मोटरसाईकल दुर्घटनामा परी एक जनाको घटनास्थलमै मृत्यू भएको छ ।

धनुषाको जनकपुरधाम उपमहानगरपालिका वडा नं. १८ भोईलमा मोटरसाईकल दुर्घटना भएको हो । जिल्ला प्रहरी कार्यालय धनुषाका अनुसार हुलाकी राजमार्ग अन्तर्गत भोईल नजिकै भएको मोटरसाईकल दुर्घटनामा परी अन्दाजी बर्ष ४२ का विनोद यादवको मृत्यू भएको हो । मृतक जनकपुरधाम उपमहानगरपालिका वडा नं. १७ कनकपट्टि बस्ने स्थानीय जगदेव यादवको छोरा रहेको बताइएको छ ।

होण्डा साईन मोटरसाईकललाई कुनै तीव्र गतिमा गएको सवारी ठक्कर दिएर भागेको हुन सक्ने प्रकृति देखिएपनि अहिले भर्खरै घटनास्थलमा प्रहरीको टोली पुगेकोले अनुसन्धान गरिरहेको बताइएको छ । ज ९ प ८५६५ नम्बरको मोटरसाईकलमा सवार यादवलाई तीव्र गतिमा रहेको ट्रिपरले ठक्कर दिएको एक प्रत्यदर्शीहरुले जनाएको छ ।

दुर्घटना देउरी परवाहा र भोईलको बीचमा भएको प्रहरीले जनाएको छ । यद्यपी यसबारे धनुषा प्रहरीले भने अनुसन्धान जारी रहेको बताएको छ । यस घटनाबारे थप विवरण आउन बाँकी छ ।