धनुषा : ट्रिपरले ठक्कर दिंदा मोसा चालक ठहरै !

न्यूज ब्यूरो, जनकपुरधाम । धनुषामा तीव्र गतिमा आईरहेको ट्रिपरले मोसा (मोटरसाईकल) लाई ठक्कर दिँदा एक युवकको घटनास्थलमै मृत्यू भएको छ ।

धनुषाको मिथिला नगरपालिका वडा नं. ६ ढल्केवर जनकपुर सडकखण्डमा ना ८ ख १९८६ नम्बरको ट्रिपरले को ३९ प ६८४८ नम्बरको मोटरसाईकललाई ठक्कर दिँदा मोटर साईकल चालकको घटनास्थलमै मृत्यू भएको हो । मृत्यू हुनेमा धनुषाको धनुषाधाम नगरपालिका वडा नं. ८ मूलबारी बस्ने बर्ष ४८ का राम ईश्वर मण्डल रहेको ईलाका प्रहरी कार्यालय ढल्केबरका प्रहरी निरक्षक रामकुमार यादवले जानकारी दिनुभयो ।

आईतबार बेलुकी करिब ८ः३० बजेको समयमा भएको दुर्घटनामा उनको घटनास्थलमै मृत्यू भएको प्रहरीले जनाएको छ । यता, ठक्कर दिने ट्रिपर चालक धनुषाको मिथिला नगरपालिका वडा नं. ५ विश्रामपुर बस्ने राम भजन यादवको छोरा बर्ष ३६ को अमरपति यादव रहेको प्रहरीले जनाएको छ ।

यता, ट्रिपर र ट्रिपर चालक यादवलाई प्रहरीले नियन्त्रणमा लिएको छ भने मृतकको शवको पोष्टमार्टमपछि परिवारजनलाई जिम्मा लगाएको हो । जानकारी अनुसार तीव्र गतिमा रहेको ट्रिपरले पछाडीबाट ठक्कर दिएपछि दुर्घटना भएको जनाइएको छ । घटनाबारे अनुसन्धान थालिएको छ ।