जनकपुर : बम विस्फोटमा घाइते ईन्सपेक्टरको मृत्यु, मृत्यु हुनेको संख्या ३ पुग्यो !

न्यूज ब्यूरो, जनकपुरधाम । धनुषामा गएराती भएको बम विस्फोटमा परी घाइते भएका प्रहरी निरीक्षकको मृत्यु भएको छ ।

ईलाका प्रहरी कार्यालय महेन्द्रनगरमा कार्यरत प्रहरी निरीक्षक (ईन्सपेक्टर) अमिर दाहालको मृत्यु भएको हो । उनको उपचारको क्रममा धरानमा विहान मृत्यु भएको प्रहरीले जनाएको छ ।

धनुषाको महेन्द्रनगरमा राती १२ बजे भएको बम विस्फोटमा यसअघि घटनास्थलमै २ जनाको मृत्यु भएको थियो भने ६ जना घाइते भएका थिए । बाँकी घाइतेहरुको उपचार भइरहेको छ ।