हरिपूर्वा नगरपालिकाका अधिकृत 'यादव' लाई रामधुलाई ! (भिडियो सहित)

न्यूज ब्यूरो, सर्लाही । प्रदेश नं. २ सर्लाही जिल्लाको हरिपूर्वा नगरपालिकाका अधिकृत सकलदेव यादवलाई विद्यार्थीहरुले रामधुलाई गरेको छ । सो क्रममा तोडफोड हुँदा करिब ५ लाख मूल्य बराबरको क्षति भएको छ ।

शिक्षक भर्नाको माँग गर्दै हरिपुर्वा नगरपालिकाका विद्यार्थीहरु आन्दोलन गर्दै तोडफोड गरेका हुन् । शिक्षक भर्ना नगरेको भन्दै आक्रोसित विद्यार्थीहरुको भिडले नगरपालिकामा तोड्फोड गर्दा ५लाख मुल्य बराबरको क्षती समेत भएको हरिपुर्वा नगरपालिकाले जनाएको छ ।

हरिपुर्बा नगरपालिका वडा नं. ५मा रहेको केश्वर जनता माध्यमिक विद्यालयमा प्राविधिक धारको पढाइ नभएको र शिक्षक तुरुन्त भर्ना गरि पठन पाठन नगाराएको भन्दै विद्यालयमा प्राविधिक धार तर्फ अध्यनरत विद्यार्थीहरुको समूहले शुक्रवार दिउँसो नगरपालिकामा पुगि तोडफोड गरेका हुन ।

विद्यालयलाई प्राप्त प्राविधिक धार सिभिल इन्जियरको पठनपाठन गर्न स्वीकृति प्राप्त भए पछि गत जेठ महिनामा अध्यन अध्यापन गराउन को लागि विद्यार्थी भर्ना कार्य विधालयले गरेको र गत असारमै अध्यापनको लागि शिक्षक भर्ना गर्नेको लागि आवेदन आव्हान गरि शिक्षक नियुक्ती गर्दा अनियमितता गरेको भन्दै स्थानियले अख्तियारमा निवेदन दिएका थिए ।

नगरपालिका अधिकृतलाई विद्यार्थीहरुले गरे रामधुलाई भिडियो हेर्नुहोस् ।

सो निवेदन दर्तागरे पछि पठन पाठन अबरुद्ध भएको र विकल्पमा नगरपालिकाले नै त्यसमै काम गर्ने ओभर सियर दिलिप यादबलाई दैनिक ज्यालादारीमा काम लगाएको भए पनि पारिश्रमिक नपाएको भन्दै अध्यापन नभएको र विद्यार्थीको भविष्य अन्यौल बनाउने काम गरेको भन्दै विद्यालयमा अध्यनरत छात्र छात्राहरुको जमातले नगरपालिकामा तोडफोड गरेको बताईएको छ ।

यता, नगरपालिकाले भने तोडफोड गराउने काममा विद्यालयमा भर्खरै आएका नयाँ प्रधानाअध्यापक रामपृत महतोको हात रहेको आरोप लगाएका छन् । उनकै उक्साहमा आएर तोडफोड गरेको आरोप लगाएको छ । तोडफोडबाट नगरपालिकाको झ्याल ढोका ,टिभी एउटा ,कम्युटर ४ वटा ,ल्यापटप एक वटा सिसिक्यामरामा समेत क्षति पुर्याउदा ५लाख भन्दा बढीकोे क्षती भएको भन्दै नगरपालिकाका प्रमुख प्रशासकिय अधिकृत सकलदेब रायले बताएका छन् ।

प्रधानाध्यापक रामपृत महतोले आफू केही दिन अघि मात्रै आएको र आफू लाई खासै त्यसको अध्यनअध्यापनको बारेमा र किन विद्यार्थीले त्यस्तो गरे आफू लाई खासै थाह नभएको बताएका छन ।

गत साउनमा शिक्षक भर्ना कार्यमा अनियमितता गरेको भन्दै स्थानियले जिल्ला प्रशासन ,जिल्ला प्रहरी कार्यालयमा र अख्तियारमा उजुरी हाले पछि अख्तियारले भर्ना प्रक्रियाको कागजपत्र सबै आफ्नो नियन्त्रणमा लिएको र विद्यालयले तत्कालिन प्रधानाअध्यापकको समेत सितापुर माध्यमिक विद्यालयमा अनियमितता र भ्रस्टचार गरेको भन्दै सरुवा गरेको र त्यस खाली ठाउँमा केही दिन अघि मात्रै हाजिर भएर काम गरेको प्रधानाध्यापक महतोको भनाई छ ।

घटनास्थल र प्रहरी चौकी १० मिटरको दुरि पनि नभएको ठाउँमा तोडफोड भईरहँदा प्रहरी मुखदर्शक भएर बसेको आरोप लगाइएको छ । यसका साथै, विद्यार्थीको हुल तोडफोड गरि बाहिर निस्किए पछि मात्रै पुगेको र क्षतीको विवरण लिएर गएको नगरपालिकाले बताएको छ भने घटनाको बारेमा आज (शनिबार) कार्यपालिकाको बैठकमा राख्ने र घटनाको बारेमा कदम चाल्ने निर्णय गरिने प्रमुख प्रसासकिय यादबले बताए।

विद्यालयका विद्यार्थीहरुले नवनियुक्त प्र.अ.लाई प्रमुख प्रशासकिय अधिकृत रायले कार्यालयमै दुर्वव्यवहार गरेकोले आफुहरु आन्दोलित भई तोडफोड गरेको एक विद्यार्थीले बताए । यस सम्बन्धमा नगरप्रमुख सियाराम रायलाई फोन गरि बुझ्न खोज्दा सम्पर्क हुन सकेन ।