काठमाडौंमा पनि मनाइयो विवाहपञ्चमी

न्यूज ब्यूरो, काठमाडौं । मर्यादा पुरुषोत्तम भगवान राम र माता सिताको विवाहोत्सव काठमाडौंमा पनि मनाइएको छ ।

नेपालको संघीय राजधानी काठमाडौंमा बस्दै आएका मधेशी मूलका नेपालीहरुले काठमाडौंमा पनि धुमधामका साथ विधिपूर्वक वैवाहिक कार्यक्रम सम्पन्न गरेका हुन् । प्राचिन मिथिलाको राजधानी जनकपुरधाम भएको भगवान राम र सिताको विवाहको स्मरणमा काठमाडौंमा समेत विवाह उत्सव मनाइएको हो ।

मिथिला मधेशको कला संस्कृति संरक्षण र प्रचारप्रसारको उद्देश्यले काठमाडौंमा विवावपञ्चमी आयोजन गरिएको आयोजकले जनाएको छ । वैवाहिक कार्यक्रममा मधेशका विशिष्ट व्यक्तित्वहरु सरिक भए ।

त्रेता युगमा मिथिलाका राजा जनककी छोरी सीता र अयोध्याका राजा दशरथका छोरा रामबीच विवाह भएको स्मरणमा विवाहपञ्चमी मनाइन्छ ।