नेपाल रजक सेवा समाजद्धारा जनजागरण

न्यूज ब्यूरो, जनकपुरधाम । धनुषाको शहिदनगर नगरपालिकामा रजक सेवा समाजद्धारा जनजागरण कार्यक्रम सम्पन्न गरिएको छ ।

शहिदनगर नगरपालिकाको वडा नं. ४ ननुपट्टि टोलमा नेपाल रजक सेवा समाजद्धारा जनचेतना एवम् जनजारण कार्यक्रम गरिएको हो । प्रदेश नं. २ का सभासद रबिन्द्र बैठाको प्रमुख आतिथ्यमा गरिएको जागरण कार्यक्रममा समाजमा दिन प्रतिदिन बढदै गएको दाइजोप्रथा , बालविवाह , महिला शोषण , महिला हिंसा र सामाजिक बिकृतीका घटनाहरु प्रति विशेष कार्यक्रम गरि नागरिकलाइ सचेत गरएको छ।

नेपाल रजक सेवा समाज द्वारा प्रमुख अतिथी अतिथी लगायत गाउँका जातिय अगुवा हरुलाई एक एक थान दोसल्ला गम्छाका साथ सम्मान गरिएको हो । कार्यक्रममा सिराहाका समाजसेवीहरु समेत अतिथिको रुपमा उपस्थित भई हाम्रा समाज भित्रका समस्या र रजक समाजले दिइने सेवा र सहयोग सम्बधी जानकारी गराएका थिए।

कार्यक्रममा उपस्थित अतिथिहरुले जातिय एकता, भेदभाव , सामाजिक कुप्रथा तथा सामाजिक बिकृती मा सुधार ल्याउन आवश्यक रहेको भन्ने आ–आफ्नो धारणा राखेका थिए। समाजमा शिक्षामा कमि कमजोरीका कारण शिक्षामा लगानी गर्न आवश्यक रहेको र रजक समुदाय संगठित भइ आफ्नो अधिकारप्रती आवाज उठाउन आवश्यक रहेको बताइएको थियो ।

दहेजप्रथा , बालविवाह कानुनी अपराध र सामाजिक अपराधबाट समाजलाई मुक्ती दिन निर्धारित उमेरमा आदर्श बिवाह गरी सहयोग गर्न सकिने उपर जोड दिइएको थियो ।