सामाजिक संस्कार बिगार्ने लागूऔषध हो : डिएसपि रावल

न्यूज ब्यूरो, सिरहा । सशस्त्र प्रहरी वल ७ नम्बर बटालियन सन्हैठाका प्रहरी नायव उपरिक्षक प्रेम रावलले सामाजिक संस्कार बिगार्ने, अपराध बढाउने कार्य नै लागुऔषध रहेको बताएका छन् ।

लागु औषधको दुव्यसनीले समाजमा पार्ने नकारात्मक असरहरु तथा बिपद व्यवस्थापनमा सशस्त्र प्रहरीको भुमिका र नागरिकले गर्न सक्ने सहयोगको बारे जस्ता बिषयमा प्रहरीले जनचेतना अभियान सुरु गरेको छ ।

कक्षा ७,८,९ र १० बिद्यार्थी लागु औषध दूव्यसनीमा फस्न नदिन तथा समाज सुधारमा महत्वपूर्ण निर्वाह गर्ने उदेश्य स्वरुप प्रहरीले सुन्दर मावि औरहीमा पनि संचालन गरेको हो । प्रहरी नायव उपरिक्षक प्रेम रावलले माध्यमिक तह पढने कक्षा ७ देखि १० सम्मका ६ सय ७० जना बिद्यार्थीहरुको लागि लागु औषध दूव्यसनी तथा बिपत व्यवस्थापन सम्बन्धी जनचेतना मूलक प्रस्तुति राखेका थिए ।

युवा तथा बिद्यार्थीहरु नै लागु औषधमा फस्न सक्ने र बिद्यार्थीहरुले नै यसको नियन्त्रण तथा जनचेतना सन्देशहरु प्रवाह गर्न मदत गर्न सक्ने भएकाले विद्यालय स्तरमा जनचेतना मुलक कार्यक्रम सुरु गरिएको रावलले जानकारी दिए । लागु औषधको प्रयोगबाट युवा पिडिमा पर्ने असरहरुले समाज पार्ने नकरात्क घटनाहरु तथा बिभिन्न कानुनि अबस्था बारेमा जानकारी गराइएको थियो ।

बिद्यार्थीहरु लाई लागूऔषध, समाजिक असर र निवारण सम्बन्धी जानकारी दिएका थिए । नेपालमा खासगरी युवा पुस्तामा यसको प्रयोग बढी मात्रामा हुने गरेको देखिन्छ । प्रहरी नायव उपरिक्षक रावलले बिद्यार्थीहरुलाई लागु औषधको प्रभावले मानब शरीरको केन्द्रीय स्नायु प्रणालीमा असर पार्ने जानकारी गराउँदै प्रयोगको मात्रा बढ्दै गएपछि मानिसको मृत्यु गराउने सम्म पुग्ने भएकाले सचेत रहन आग्रह गरेका थिए ।

सामाजिक संस्कार बिगार्ने,अपराध बढ्ने,दक्ष जनशक्ति कुलतमा फस्ने,अर्थ व्यवस्थालाई ध्वस्त बनाउने, जस्ता समस्याहरु लागुऔषध द्दारा सृजित जटिल सामाजिक समस्या आइपर्ने जस्ता जटिलताहरु बताएका थिए ।

लागु औषधको यस्तो बढ्दो प्रयोग र समाजमा यसले पार्ने नकारात्मक प्रभाबका कारण यसलाई सामाजिक अपराधका रुपमा लिईएको बारेमा बिद्यार्थीहरुलाई जानकारी गराइएको थियो । जनचेतना मुलक कार्यक्रममा बिपत व्यावस्थापन सम्बन्धी सशस्त्र प्रहरीले गरेका बिभिन्न उद्धार तथा सकरात्मक कामहरु बारेमा पनि जानकारी गराइएको थियो । कार्यक्रममा सन्हैठा मा वि का शिक्षक शिक्षीकाहरुको समेत उपस्थिती रहेको थियो ।