क्षिरेश्वरनाथ नपामा योजना तथा कार्यक्रम कार्यान्वयन हेतु बैठक

न्यूज ब्यूरो, धनुषा । धनुषाको क्षिरेश्वरनाथ नगरपालिकाको वडामा योजना तथा कार्यक्रम कार्यान्वयनका लागि विस्तृत कार्ययोजना तयारी बैठक गरिएको छ ।

सपोर्ट नेपालको प्राबधिक सहयोग तथा क्षिरेश्वरनाथ नगरपालिका वडा नं. ३ को आयोजनामा आर्थिक वर्ष ०७६ र ०७७ को वार्षिक योजना तथा कार्यक्रम कार्यान्वयनका लागि विस्तृत कार्ययोजना तयारी बैठक गरिएको हो । वडा ३ का वडा अध्यक्ष अमर किशोर सिंहको अध्यक्षतामा भएको बैठकमा विभिन्न प्रस्तावमाथि छलफल गरिएको छ ।

कार्यक्रममा सपोर्ट नेपाल धनुषा संयोजक प्रकाश ठाकुरले योजना तथा कार्यक्रम कार्यान्वयनका बारेमा प्राविधिक बारे जानकारी गराएका थिए । उनीहरुले एक आपसमा सल्लाह सुझाव पनि प्रस्तुत गरेको थिए ।

कार्यक्रममा वडाका जनप्रतिनिधि, बुद्धिजीवी, समाजसेवी, राजनीतिकर्मी, महिला लगायत महिला लगायतका सहभागी थिए । कार्यक्रमको संचालन सत्रुधन महतोले गरेका थिए ।