'एक मधेश एक प्रदेश' हुन सक्दैन : विजय गच्छदार

न्यूज ब्यूरो, जनकपुरधाम । नेपाली कांग्रेस उपसभापति विजयकुमार गच्छदारले देश ‘एक मधेश एक प्रदेश’मा जान नहुने बताएका छन् ।

एक शुभकामना आदानप्रदान कार्यक्रममा उपसभापति गच्छदारले यस्तो बताएका हुन् । उनले पार्टीको स्वार्थभन्दा माथि उठेर मुलुकलाई विभाजन गर्न नहुने प्रष्ट पारे । आफू अहिले सत्तामा नरहेको बताउँदै उनले थारु र जनजातिको हकमा लडेको मान्छेले समग्र मुलुकको हितमा लड्नुपर्ने बताए ।

उनले कांग्रेसभित्र त्यसकै निम्ति लागि परेको उल्लेख गरे । गच्छदारले नयाँ युवा पुस्तालाई पुराना व्यक्तिको कदर गर्दै उहाँहरुको योगदानलाई बिर्सनु नहुने बताए । देश निर्माणमा युवापुस्ता अनुशासित भएर अघि बढ्नुपर्ने गच्छेदारको भनाइ थियो ।