हनुमान जयन्तिमा जनकपुरमा शोभायात्रा

न्यूज ब्यूरो, जनकपुरधाम । हनुमान जयन्तिको अवसरमा जनकपुरमा शोभायात्रा निकालिएको छ ।

हनुमान जयन्तिमा मिथिलाञ्चल सांस्कृतिक कला परिषद् जनकपुरधामले प्रत्यके वर्ष झैँ यसवर्ष पनि शोभायात्रा निकालेको हो । जानकी मन्दिरबाट सुरु भएको शोभायात्रा विहार कुण्ड पुगेर कुण्डको परिक्रमा गर्नुका साथै जुगलजोडी मन्दिरमा विभिन्न धार्मिक कार्यक्रम गरी हनु्मान जयन्ति मनाएर समापन हुनेछ ।

प्रत्येक वर्ष रथमा निकालिने गरिएको शोभायात्रा यसपटक पनि भव्य रुपमा निकालिएको परिषदका अध्यक्ष शभ्मु साहले बताए । उनले हनुमान जयन्तीलाई समेत प्राथमिकताका साथ मनाउन सबैलाई आग्रहसमेत गरे ।

बैण्डबाजा र झाँकीसहित निकालिएको सोभायात्रामा महिला, युवा, साधुसन्तहरुको जोडदार सहभागिता थियो ।