गायक रुद्रसेनको 'आयो है तिहार' सार्वजनिक

न्यूज ब्यूरो, जनकपुरधाम । चर्चित गायक रुद्रसेन विश्वकर्माको सुमधुर आवाजमा तिहार कोसेली ‘आयो है तिहार’ को लिरिकल म्युजिक भिडियो सार्वजनिक भएको छ ।

दर्जनौं चर्चित नेपाली, भोजपुरी तथा मैथिली गीतहरुमा स्वर दिइसकेका भर्सटायल गायक रुद्रसेन विश्वकर्माको स्वरमा तिहारको शुभकामना तथा आशिष सहित बुढासुब्बा म्युजिक च्यानल मार्फत गीतलाई सार्बजनिक गरिएको हो । शब्द तथा संगीत गायक रुद्रसेन विश्वकर्माको नै रहेको यस गीतलाई मनोहर सुनामले एरेन्ज गरेका छन् ।

लिरिकल भिडियोलाई राजन कार्कीले सम्पादन गरेका हुन् । सार्बजनिक गीतलाई निर कुमारी विश्वकर्मा (सबिना)ले निर्माण गरेकी हुन् । गायक विश्वकर्मा आफ्नो जादुगर आवाजका कारण सर्वप्रिय छन् ।