सबै मधेशवादी दल एक भएमात्र कल्याण छ : राजेन्द्र महतो

न्यूज ब्यूरो, जनकपुरधाम । राष्ट्रिय जनता पार्टी (राजपा) नेपाल अध्यक्ष मण्डलका सदस्य राजेन्द्र महतोले सबै मधेशवादी दल एक हुनुको विकल्प नरहेको बताएका छन् ।

जनकपुरमा बुधवार शुभकामना अदान प्रदान तथा संसदीय क्षेत्र सम्पर्क कार्यलय उदघाटन गर्दै नेता महतोले देशमा तेस्रो ठूलो शक्तिको रुपमा स्थापित हुन मधेशवादी दल एक हुनैपर्ने धारणा राखेका हुन् । सबै मधेश केन्द्रित दल एक ठाउँमा आएमात्र मधेशलाई अगाडि बढाउन सकिने उनको भनाई छ ।

नेता महतोले समाजवादी र राजपाबीच एकीकरणको प्रयास भइरहेको र यो प्रयास सफल भए मधेशको लागि हितकर हुने बताए ।