जनमत पार्टीको संगठन विस्तार तीव्र : सिरहामा दलित जनमत संघ गठन

न्यूज ब्यूरो, सिरहा । डा. सिके राउत नेतृत्वको जनमत पार्टीको जनवर्गीय संगठन दलित जनमत संघको सिरहा समिति गठन गरिएको छ ।

सोमबार एक कार्यक्रमबीच संतोष पासवानको नेतृत्वमा जिल्ला दलित जनमत संघ गठन गरिएको हो । सिरहाको मिर्चैया नगरपालिका–६ मा अवस्थित योग भवनमा बसेको बैठकबाट गठित समिति २५ सदस्यीय रहेका छन् ।

जनमतका कारिराम पासवानको अध्यक्षता एवं केन्द्रिय सदस्य तथा जिल्ला इन्चार्ज राजकुमार यादव (त्यागी) को प्रमुख आतिथ्यमा भएको कार्यक्रममा ठूलो संख्यामा नेता कार्यकर्ता सहभागी भएका थिए । कार्यक्रमको विशिष्ट अतिथिका रुपमा दलित जनमत संघ धनुषाका संयोजक रघुविर महासेठ सरिक थिए ।

तत्कालिन स्वतन्त्र मधेश गठबन्धनका संयोजक डा. राउतको नेतृत्वमा जनमत पार्टी गठन भएदेखि नै पार्टीको संगठन विस्तार कार्य तीव्र रुपमा चलिरहेको छ भने जनवर्गीय संगठन निर्माणको क्रम पनि तीव्र छ ।