विश्वभरका मधेशीहरु 'गैर आवासीय मधेशी संघ' मा आउनुपर्छ : अध्यक्ष कुशवाहा

न्यूज ब्यूरो, जनकपुरधाम । गैर आवासीय नेपाली संघ (एनआरएनए) ले मधेश र मधेशीको समस्या समाधान गर्न नसकेको भन्दै विश्वभरमा छरिएर रहेका मधेशीहरुले "गैर आवासीय मधेशी संघ" (एनआरएमए- NRMA) Non-Resident Madheshis (NRM) Association मा आउनुनको विकल्प नरहेको बताइएको छ ।

विदेशमा मधेशीहरुको छाता एवम् सबभन्दा बलियो संगठन गैर आवासीय मधेशी संघका अन्तराष्ट्रिय अध्यक्ष ईन्जिनीयर बसन्त कुशवाहाले गैर आवासीय नेपाली संघले मधेश र मधेशीको मुद्दामा चासो नलिनुका साथै मधेशी मूलका नेपालीहरुको समस्या समाधानमा रतिभर पनि चासो नलिएको कारण मधेशीहरुले नै बनाएको अन्तराष्ट्रिय बलियो संगठन गैर आवासीय मधेशी संघ मा जुडनुको विकल्प नरहेको बताएका छन् ।

नेपाल सरकारझैं विदेशमा रहेको गैर-आवासीय नेपाली संघले पनि मधेशीहरुसँग अमानवीय व्यवहार गरेको भन्दै गैर आवासीय मधेशी संघले मधेशीहरुको पक्षमा वकालत गर्ने सँस्थाको रुपमा खडा भएको दाबी गरेका छन् । उनले विभिन्न समयमा भएको मधेश आन्दोलन र अधिकारको आन्दोलनको लागि पनि गैर -आवासीय मधेशी संघले सघाएको जनाउँदै विभिन्न देशमा छरिएर रहेका मधेसीहरुको दुःख र पीडामा संघ साथ रहेको दाबी गरेका छन् ।

गत वर्ष मात्र रँगभेदी उपर चलेको अन्तराष्ट्रिय बहसमा अध्यक्ष कुशवाहाले जेनेभामा सँयुक्त राष्ट्रय संघको उच्चायुक्त कार्यालयमा अल्पसँख्यक समुदाय, मधेशी समुदाय र युवाहरु उपरको बहसमा उनले नेपाल सरकार मधेशी समुदायसँग गरेको विभेदको बारेमा चिठ्ठा खोलको थिए । नेपालमा चलेको जनआन्दोलन (गृहयुद्ध) मा आफ्नो हक अधिकारको लागि मधेशी समुदायको सयौं युवाले ज्यानको आहुति दिएपनि नेपाल सरकारले मधेश र मधेशीको हकअधिकार नदिएको जिकीर गरेका थिए ।

हालै सम्पन्न गैर आवासीय नेपाली संघको चुनावमा पनि संघको कार्य समितिमा एउटा नै मधेशी अनुहार नरहेको औल्याउँदै मधेशीलाई सरकारले हेपेझैं विदेशमा गैर आवासीय नेपाली संघले हेपेको भन्दै अब मधेशीहरुको लागि एउटौ विकल्प गैर आवासीय मधेशी संघ रहेको जीकिर गरेका छन् । गैर आवासीय नेपाली संघको सँस्थापक एक मधेशी भएपनि अहिल आएर सबैलाई विस्थापित गरेको बताएका छन् । उनले गैर आवासीय नेपाली संघको नवौं विश्व सम्मेलनबाट चयन गरिएको दुई बर्षे कार्यकालको समितिमा एउटा पनि अनुहार मधेशी नपरेको भन्दै आपत्ति जनाउँदै मधेशीहरुको लागि अब गैर आवासीय मधेशी संघ मात्र हमदर्द साथी रहेको बताएका छन् ।

उनले गैर आवासीय नेपाली संघ को सँस्थापक एक मधेशी उपेन्द्र महतो भएपनि अहिले आएर मधेशी समुदायलाई बायकट गरेको अवस्था औल्याएका छन् । उनले आफ्नो फेसबुकमा लेखेका छन् :

नेपाल पहिलो पटक मानव अधिकार परिषदमा निर्वाचित भएकोप्रति गौरबान्ति महसुस गर्दै अध्यक्ष कुशवाहाले विश्वभरिका मानवअधिकारहरुको संरक्षणको जिम्मेवारी लिने नेपालले आफ्नै देशको मधेशी समुदायसँग मानव अधिकार रक्षा गर्न नसकेको प्रति खेद प्रकट गरे । उनले भनेका छन् - 'विश्वभरिका सबै मानवाधिकारहरूको संरक्षण र संरक्षणको लागि जिम्मेवार हो, र यो हाम्रो लागि सम्मानको कुरा हो। तर मिलियन डलरको प्रश्न यो छ – मानव अधिकारको रक्षा गर्ने र आफ्नै नागरिकलाई न्याय सुनिश्चित नगर्ने ,वास्ता नगर्ने सरकारले कसरी अरूको मानवअधिकारको रक्षा गर्ने ख्याल राख्छ ?'

गैर आवासीय मधेशी संघ (NRMA) सँग जुडनको लागि क्लीक गर्नुहोस् ।

उनले संविधानमा मधेशी र मधेशको हक अधिकार सुरक्षित नहुँदा त्यसको अधिकारको लागि गरिएको मधेश आन्दोलनमा सयौं मधेशीहरु मारिएको र बेपत्ता पारिएको भन्दै सन् २०१० मा मधेसी युवतीहरुको अनौपचारिक हत्याका दर्जनौं घटनाहरु अनुसन्धान गरी ओएचसीएचआरले समेत रिपोर्ट गरेको बताए । नेपाली सरकारले तराई – मधेशमा ओएचसीएचआर (मानवअधिकार) कार्यालयहरू बन्द गर्न बाध्य पारेको उल्लेख गर्दै नेपालमा संयुक्त राष्ट्रसंघीय मिसनको कार्यक्षेत्र विस्तार गर्न अस्वीकार गरेको प्रष्टाए ।

नेपाल सरकारले मधेशीलाई उत्पीडन, पीडा, यातना बाहेक केही नदिएको बताउँदै मधेशी युवाहरुलाई जबरदस्ती रुपमा बाध्यता (मजबुरी) बनाएर विदेश पलायन हुन बाध्य बनाएको दाबी गरे । मधेशी युवाहरुलाई एक श्रमिकको रुपमा मात्र पहिचान दिन बाध्य पारेको जीकीर गर्दै उनले विदेशमा पनि मधेशी युवाहरुसँग हुँदै आएको व्यवहार सम्मानजनक नरहेको बताउँदै गैर आवासीय मधेशी संघले उनीहरुको सम्मानको लागि लडदै आएको बताएका छन् ।

जेनेभा सम्मेलनमा उनले डा. सिके राउतको चर्चा गर्दै मधेशी मूलका वैज्ञानिक भए पनि राज्यले उनलाई यातना बाहेक केही नदिएको प्रति दुःख व्यक्त गर्दै विश्वभरमा छरिएर विभिन्न देशमा रहेका मधेशी युवाहरुले गैर आवासीय मधेशी संघसँग जोडिन आग्रह गरेका छन् । संघ सँग जोडिनको उनले http://madhesh.org/join/ लिंक प्रयोग गर्न आग्रह गरेका छन् ।