हराएको मोटरसाईकल झण्डै ८ महिनापछि खोजिदिए ईन्सपेक्टर थापा

न्यूज ब्यूरो, धनुषा । धनुषा प्रहरीले चोरी भएको मोटरसाईकल झण्डै ८ महिनापछि फेला पारेको छ ।

मोटरसाईकल चोरी भएको उजुरीको आधारमा निरन्तरको प्रयासले मोटरसाईकल फेला पारिएको हो । ईलाका प्रहरी कार्यालय धनुषाधामले मोटरसाईकल फेला पारेर गाडी धनी सिरहाको लक्ष्मीपुर पत्तारी गाउँपालिकाका वैद्यनाथ यादवलाई जिम्मा लगाएको छ ।

मोटरसाईकल धनुषाको धनुषाधाम नगरपालिका–३ स्थित सार्वजनिक स्थलमा राखिएको अवस्थामा फेला पारिएको ईप्रका धनुषाधामका प्रहरी निरीक्षक सुमन थापाले जानकारी दिए । मोटरसाईकल चोरी भएको जानकारी पाएपछि निरन्तरको प्रयासले मोटरसाईकल फेला पार्न सफल भएको उनले बताए ।

मोटरसाईकल पाएपछि गाडी धनी यादव प्रफुलित हुँदै ईन्सपेक्टर थापाप्रति आभार प्रकट गरे ।