रौनियार युवा मञ्चका पदाधिकारीलाई सपथ खुवाइयो

न्यूज ब्यूरो, जनकपुरधाम । रौनियार युवा मञ्चको चयन भएको नयाँ कार्यसमितिको पदाधिकारी तथा सदस्यहरुको सपथ ग्रहण तथा प्रमाणपत्र वितरण कार्यक्रम सम्पन्न भएको छ ।

शनिवार रौनियार सेवा समितिमा आयोजित एक विशेष समारोहका बिच जनकपुरधाम रौनियार सेवा समितिका महासचिव तथा निर्वाचन समिति संयोजक प्रमोद कुमार गुप्ताले नयाँ कार्यसमितिका पदाधिकारी तथा सदस्यहरुलाई सपथ ग्रहण गराएका थिए । गत असोज २५ गते सर्वसम्मत निर्वतमान महासचिव शुनिल कुमार साहको अध्यक्षतामा १५ सदस्सीय पाँचौ नयाँ कार्यसमिति चयन गरेको छ ।

मञ्चको उपाध्यक्षमा विनय प्रसाद साह, महासचिवमा रितेश कुमार गुप्ता, सचिवमा पंकज कुमार आजाद र कोषाध्यक्षमा संजय कुमार गुप्ता चयन भएका छन् । साथै ७ सदस्सीय सल्लाहकार समिति समेत गठन गरिएको छ । सल्लाहकारमा संतोष कुमार गुप्ता, विजय कुमार गुप्ता, शशि कुमार गुप्ता, जय प्रकाश गुप्ता, डा.राहुल गुप्ता, राकेश कुमार गुप्ता र रंजित कुमार गुप्ता चयन भएका थिए । नव निर्वाचित कार्यसमिति र सल्लाहकारहरुलाई प्रमाणपत्र समेत प्रदान गरिएको छ ।

मञ्चको माओ संस्था रौनियार सेवा समिति जनकपुरधामका कार्यसमितिका अग्रज पदाधिकारीहरुले गरेको निर्णयमा युवाहरुले समर्थन जनाएका थिए । समारोहमा जनकपुरधाम उपमहानगरपालिकाका प्रमुख लालकिशोर साह, उद्योग बाणिज्य संघका अध्यक्ष ललित कुमार साह, युवा कमिटिका अध्यक्षहरुको सहभागिता रहेको थियो ।