प्रहरी असई रँगेहात पक्राउ !

न्यूज ब्यूरो, जनकपुरधाम । महोत्तरीमा एक प्रहरी सहायक नीरिक्षक (असई) रँगेहात अख्तियार दुरुपयोग अनुसन्धान आयोगको फन्दामा परेका छन् ।

महोत्तरीको औरही नगरपालिका अन्तर्गत पर्ने कठुधार प्रहरी चौकीका ईन्चार्ज समेत रहेका प्रहरी असई वृजेश कुमार चौधरीलाई अख्तियार दुरुपयोग अनुसन्धान आयोग बर्दिवासबाट खटि गएको टोलीले पक्राउ गरेको जनाइएको छ । भारतबाट समान ल्याउन सहजता प्रदान हेतु व्यापारीसँग घुस मागेपछि उनी पक्राउ परेका हुन् ।

भारतबाट ल्याउने विना भन्सारका समानहरु केही रकम लिएर पार गराइदिने भन्दै व्यापारीहरुसँग अबैद्य रुपमा असुली गर्दै आएका चौधरीलाई उजुरीको आधारमा पक्राउ गरिएको जनाइएको छ ।