एकै दिन पौने ३ सय 'बेटी' लाई मुख्यमन्त्रीको साईकल उपहार

न्यूज ब्यूरो, जनकपुरधाम । प्रदेश नं. २ का मुख्यमन्त्री मो. लालबाबू राउतले एकैदिन महोत्तरीका पौने ३ सय छात्राहरुलाई साईकल बाँडनुभएको छ ।

मुख्यमन्त्री बेटी बचाउ बेटी पढाउ कार्यक्रम अन्तर्गत एकै दिन महोत्तरी जिल्लाको चार बिद्यालयमा साइकल बितरण कार्यक्रम गर्नुभएको हो । मुख्यमन्त्री राउतकै उपस्थितिमा चारवटै बिद्यालयकी २ सय ७२ छात्राहरुलाई साइकल बितणन गरिएको हो । महोत्तरी पिपरा गाउँपालिका वडा स्थित श्री मा वि सहोडबामा ३३ , राम नारायण अयोध्या मा बि पिपरा मा ९५, जलेश्वर नगरपािलकाको प्रकौली माबि मा ६८ र एकडारा माबिमा ७६ कक्षा ८ मा अध्यनरत छात्राहरु लाई साइकल बितरण गरिएको हो ।

साइकल बितरन कार्यक्रम लाई सम्बोधन गर्नु हुँदै मुख्यमन्त्री राउतले शिक्षा को सम्पुर्ण जिम्मेवारी प्रदेश सरकार मातहत हुनुपर्ने बताउनु भएको छ ।संघीय सरकार को शिक्षा नीतिले समग्र शिक्षा क्षेत्र धराशायी हुँदै गएको उल्लेख गर्नु हुँदै मुख्यमन्त्री राउतले यसको जिम्मेवारी प्रदेश सरकार लाई दिनु पर्ने बताउनु भएको हो । मुख्यमन्त्री राउतले स्थानीय सरकार लाई जिम्मा दिइयेको माध्यमिक तह सम्मको शिक्षा मा समेत संघीय सरकार ले बखेदा झिकेर समस्या निम्त्याएको आरोप लगाउनु भयो ।

उहाँ ले प्रदेश सरकार बेटी बचाउ बेटी पढाउ कार्यक्रम मार्फत प्रदेशका महिला हरुमा शैक्षिक क्रान्ति ल्याउने प्रयास गरिरहेको दाबी समेत गर्नु भयो। मुख्यमन्त्री राउतले छोरी लाई अभिशाप नभै बरदान बुझ्न आग्रह गर्नुहुदै छोरी शिक्षित भए मात्र सामाजिक रुपान्तरण सम्भब हुने उल्लेख गर्नु भयो । उहाँ ले आज को आबश्यक्ता प्राबिधिक शिक्षा रहेको ले प्रदेश सरकार प्रदेश लाई प्राबिधिक शिक्षाको हब बनाउने दिशामा अग्रसर रहेकोे प्रतिबद्धता समेत व्यक्त गर्नु भयो ।

साईकल बितरन कार्यक्रममा पुर्व मन्त्री एव समाजबादी पार्टी का केन्द्रिय सदस्य हरिनारायण यादव, केन्द्रिय सदस्य रबिन्द्र ठाकुर, प्रदेश सरकारका समाजिक बिकास राज्य मन्त्री अभिराम शर्मा , आन्तरिक मामिला तथा कानून राज्य मन्त्री सरोज सिह कुशवाहा, समाजबादी पार्टी महोत्तरी का अध्यक्ष नागेन्द्र यादव सहितको उपस्थिति रहेकोे थियो ।