एनआरएन चुनाव : डा. बिनोद शाहको अमेरिका क्षेत्रीय संयोजकमा जित पक्का

न्यूज ब्यूरो, काठमाडौं । एनआरएनको वर्तमान क्षेत्रीय उपसंयोजक अमेरिकाका नवीन शेरचनको समर्थनमा डा. बिनोद शाहबाट क्षेत्रीय संयोजक अमेरिकाका लागि उम्मेदवारी दिए लगत्तै जित सुनिश्चित भएको देखिएको छ ।

सोही क्षेत्रबाट प्रत्यासी उम्मेदवारी दिएका अर्का उम्मेदवार राजन त्रिपाठी निकै कमजोर देखिएका कारण उनको जित सुनिश्चित जस्तै भएको छ । त्रीपाठिलाई डमि उम्मेदवारको रुपमा उम्मेदवारी दर्ता गर्न लगाएको भन्दै सो क्षेत्रका मतदाता उनिमाथि रिसाएका छन् ।

यता, डा. शाहको उम्मेदवारीपछि अमेरिका क्षेत्रका मतदाताहरुमा उत्साह थपिएको छ । अमेरिकाबाट १ सय ८२ जना र क्यान्डाबाट ९२ मतदाता रहेको अमेरिका क्षेत्रीय संयोजक पदमा डा. शाहको पक्षमा माहौल देखिएको छ ।

स्रोतका अनुसार, हार्ने सुनिस्चित भएपछि त्रिपाठी उम्मेदवारी फिर्ता लिने मनसाय बनाएका छन् । तर, उनलाई फिर्ता नलिन दबाब आएको श्रोतले बतायो ।

डा. शाहले आफ्नो पक्षमा सकारात्मक माहौल बन्दै गएकोप्रति सहयोग र समर्थन गर्ने सबैलाई धन्यवाद दिएका छन् । उनले आफूलाई चौतर्फी पूर्ण सहयोग भेटेको र जित हुने पक्का रहेको प्रतिक्रिया दिए ।

विगत लामो समयदेखि एनआरएन अभियानमा लागेका शाह अमेरिका क्षेत्रमा निकै लोकप्रीयता कमाएका छन् ।