साना किसानको नयाँ भवन उद्घाटन

जनकपुरधाम, २० पुस ।

किसानहरुको लागि सँजीवनीको रुपमा सहयोग गर्दै आएका साना किसान कृषि सहकारी सँस्थाको नयाँ भवन उद्घाटन गरिएको छ ।
बुधबार धनुषाको धनुषा गोविन्दपुरमा स्थापित उक्त सहकारी सँस्थाको १२ औँ साधारणसभा सँगै नयाँ भवनको उद्घाटन गरिएको हो ।

साना किसान कृषि सहकारी सँस्थाकी अध्यक्ष फुलो देवी दनुवारनीको अध्यक्षता तथा साना किसान कृषि सहकारी सँस्थाका केन्द्रिय सदस्य हेम बहादुर पाठकको प्रमुख आतिथ्यमा सम्पन्न बार्षिक साधारण सभामा अध्यक्ष दनुवारनीले सँस्थाको वार्षिक प्रतिवेदन पेश गरिन ।

बर्षभरिमा सँस्थाले गरेका कार्यहरुको कार्य विवरण तथा आगामी कार्य योजनाहरुको बारेमा प्रतिवेदन प्रस्तुत गरिएको जनाइएको छ ।
धनुषाधाम नगरपालिकाका मेयर बालेश्वर मण्डको विशेष उपस्थितिमा सम्पन्न साधारणसभामा लेखा समिति सदस्य अर्जुन प्रसाद सिँहल सँस्थाको प्रगति विवरण प्रस्तुत गरे ।

कार्यक्रममा सँस्थाका प्रबन्धक राज कुमार साहले आर्थिक बर्ष २०७३ ७४ को आयव्यय तथा आगामी आर्थिक बर्ष २०७४ ७५ को लागि कार्ययोजना प्रष्ट पारेका थिए ।
कार्यक्रममा सँस्थाका पदाधिकारी, सँचारकर्मी, युवा, महिला, जेष्ठ नागरिकहरुको सहभागिता रहेको थियो ।