धनुषाको ढल्केवरमै खुल्यो विक्रम टेम्पोको डिलर

न्यूज ब्यूरो, धनुषा । धनुषाको ढलकेवरमा विक्रम टेम्पो कम्पनीको डिलर संचालनमा आएको छ ।

मिथिला नगरपालिका–६ स्थित ढल्केवरमा सोमबारदेखि विक्रम टेम्पोको डिलर प्रीति अटो ट्रेडस संचालनमा आएको हो । प्रीति अटो ट्रेडसका संचालक राजेश कुमार साहको अध्यक्षता एवं ईलाका प्रहरी कार्यलय ढलकेवर इन्चार्ज प्रहरी निरीक्षक रामकुमार यादव प्रमुख अतिथिमा शोरुमको विधिवत् उद्घाटन गरिएको छ ।

समुद्घाटन कार्यक्रमलाई सम्बोधन गर्दै ईन्सपेक्टर यादवले ढल्केवरमै अटोको शोरुम संचालनमा आएपछि यसक्षेत्रका युवाहरुलाई रोजगारी तर्फ डोर्याउन योगदान हुने विश्वास लिए । प्रदेश २ मै प्रथमपटक ढल्केवरमा संचालनमा आएको यस कम्पनीको टेम्पो खरिदमा दीपावली र छठको उपलक्ष्यमा विशेष उपहारको व्यवस्था गरिएको छ । हरेक सप्ताहमा टेम्पु लिने ग्राहकलाई २५ ईन्चको एलईडी दिइनेछ ।

समुद्घाटन कार्यक्रमको विशिष्ट अतिथिमा समाजवादी अटो मेकिनिक्स संघका केन्द्रिय अध्यक्ष जगदिश महतो, सत्यम अटो जोनका संचालक अमोद साह लगायत स्थानीय व्यपारी, नागरिक समाज लगायतको सहभागिता थियो ।