राजपाको कल्याणपुर ९ को वडा संयोजकमा यादव

सिरहा, २७ असोज । राष्ट्रिय जनता पार्टी नेपालको सिरहाको कल्याणपुर नगरपालिकाको वडा ९ को वडा संयोजकमा युवा नेता बिनोद यादव चयन भएका छन् ।

पार्टीको सम्पन्न वडा स्तरीय भेलाले वडा संयाजकमा युवा नेता यादवलाई चयन गरेको हो । वडा संयोजकमा चयन भएपछि आफूले संगठनको लागि सक्रिय भएर काम गर्ने प्रतिवद्धता व्यक्त गरेका छन् ।

पछिल्लो समय राजनीतिमा सक्रिय युवा नेता यादवले नगरमा बन्न लागेको प्राथमिक स्वास्थ्य केन्द्रको लागि झण्डै ८ कठ्ठा जग्गासमेत दान गरेका छन् । उनी त्यसक्षेत्रमा लोकप्रीय मानिन्छन् ।