जनकपुरका मेयरले ‘लंका’ जलाए !

न्यूज ब्यूरो, जनकपुरधाम । जनकपुरधाम उपमहानगरपालिकाका मेयर लालकिशोर साहले कृतिम लंका दहन गरेका छन् ।

प्रत्येक वर्ष विजया दशमीको दिन रावण बध गर्दै आएको जनकपुरधाममा यसपाली लंकादहन पनि गरिएको छ । असत्य उपर सत्यको विजयी अर्थात रावण माथी भगवान रामले विजयी गरेको स्मरणमा जनकपुरमा रावणको बधसहित लंका समेत जनाइएको हो । जनकपुरको धनुष सागर पोखरी नजिक मोटो रकम लगाएर निर्माण गरिएको रावणको मूर्ति र लंका जनकपुरधामका मेयर साहले जलाएका हुन् ।

जनकपुरको महावीर युवा कमिटीको आयोजनामा गरिएको रावण बध एवं लंका दहन कार्यक्रममा बाक्लो संख्यामा सर्वसाधारणले उत्साहपूर्ण सहभागिता जनाएका छन् । प्रत्येक वर्ष हुँदै आएको रावण बध कार्यक्रमलाई निरन्तरता दिँदै यसपाली धनुष सागर पोखरी र गँगासागर पोखरीको डिलमा कृतिम लंका निर्माण गरी दहन गरिएको हो । त्रेता युगमा सीता हरण गरेका रावणले सीतालाई खोज्दै रामको सन्देश लिएर लँका प्रवेश गरेका रामभक्त हनुमानले लँका दहन गरेका थिए ।

सोही अनुसार प्रत्येक वर्ष महावीर युवा कमिटिले यसलाई महोत्सवको रुपमा मनाउने गरिन्छ । करिब ४ लाखको लागतमा निर्माण गरिने भनिएको लंका समय अभावका कारण मनचाहे बमोजिम नभएको स्वीकार महावीर युवा कमिटिका अध्यक्ष सँतोष साहले गरे । उनले आगामी वर्ष प्राकृतिझैं देखिने कृतिम लंका निर्माणको लागि दशैं अघि देखि नै निर्माण कार्य सुरु गरी विजयाद दशमीको दिन भव्य रुपमा रावण वध र लंका दहन कार्यक्रम गर्ने जनाए ।

लंका दहन कार्यक्रमको समाचार न्यूज ब्यूरो सहित अन्य सँचार माध्यमहरुमा प्रकाशन प्रकाशित भएपछि सोही अनुसार दर्शकहरु समेत ओर्लिका थिए । रावण वध कार्यक्रमको लागि मेयर लालकिशोर साह प्रमुख अतिथिको आसनबाट लँका जलाएका हुन् । मेयर साह पवित्र सरोवर धनुष सागर पोखरीमा डुँगामा सवार भएर लँका दहन गरेका थिए ।